Bamboo Crafts: परंपरागत रूप ले बांस शिल्प के कला कृति बनाके बिसेस पिछड़ी जनजाति कमार महिला मन आर्थिक रूप ले सशक्त होवथे

छत्‍तीसगढ़ी अनुवादक जयंत साहू

बलौदाबाजार जिला के सुदूर अंचल म के बल्दाकछार म निवासरत बिसेस पिछड़ी जनजाति कमार महिला मन के खातिर महतारी वंदन योजना बड़े खुसी लेके आये हावय। महतारी वंदन योजना ह इहाँ के बांस शिल्प कला म नवा जान डाल दीस हावय। महतारी वंदन योजना ले मिले पइसा ले इहां के महिला मन ल बांस शिल्प कला ल नवा पहचान देवाये के मउका मिलत हावय अउ ओला स्वरोजगार ले जुड़के आर्थिक रूप ले सशक्त होए म तको मदद मिलत हावय।

बल्दाकछार के कमारपारा म निवासरत श्रीमती चांदनी बाई कमार ह बताइन के वो ह परंपरागत रूप ले बांस शिल्प के कला कृति बनाके अउ कृषि के समय किसानी मजदूरी के बुता करके जीवकोपार्जन करत हावय। पहिली वो ह आर्थिक तंगी के सेती बांस शिल्प बनाये के खातिर बांस नइ खरीद पाती रिहिस पर अब ओला महतारी वंदन योजना ले हरेक महीना 1 हजार रूपिया मिलते हावय, जेकर उपयोग वो ह बांस खरीदे म करत हावय। वो ह झेंझरी, सुपा, पर्रा, टुकनी सहित आन सजावटी जिनिस जादा संख्या म बना पाती हावय, जेला बेचके ओला अच्छा खासी आमदनी मिलत हावय। 

श्रीमती चांदनी ह महतारी वंदन योजना के खातिर राज्य सरकार ल धन्यवाद ज्ञापित करत होइस येकर रकम बढ़ाये के खातिर गेलौली के हावय। उही गांव के श्रीमती ममता कमार तको महतारी वंदन योजना ले मिले वाला रकम के उपयोग बांस शिल्प अउ अपन लइका 1 साल के लवली कमार के शिक्षा के खातिर बचत करत हावय। महतारी वंदन योजना ले हर महीना मिले वाला रकम उंकर खातिर बहुत बड़ा सहारा हावय। छत्तीसगढ़ के परंपरा रेहे हावय के इहां बेटी मन ल अगाध स्नेह अउ सम्मान दे जाथे । बेटी मन के हर घर म बिसेस ठऊर  होवत  हावय। तीज- तिहार मन म बेटी मन अउ बहिनी ल स्नेह ले भेंट अउ रकम दीस जात हावय। इही के तहत संवेदनशील मुख्यमंत्री विष्णु देव साय ह माता-बहनी ल तिहार म ये भेंट भेंट के हावय।