chhattisgarhi picture 'BALIDANI RAJA GURU BALAKDAS SAHEB' official teaser : हिस्टोरिकल बायोपिक 'बलिदानी राजा गुरु बालकदास' के ऑफिसियल टीजर 10 अगस्‍त के आही

छत्तीसगढ़ के सबले बड़े संत बाबा गुरू घासीदास जी के सिरी चरन म माथ नवावत छत्तीसगढ़िया समाज ह अब सतनाम पंथ के परंपरा म आगू बड़त 'मनखे-मनखे एक समान' के संदेश ल बगरावत हावय। जेमा सिनेमा के तको बड़का योगदान हावय। तइहा ले अब तक बाबा जी के संदेश ल हमन पंथी गीत, सतनाम भजन, चौका आरती, मंगल भजन के माध्यम ले सुनत हावत हाबन। आडियो केसेट ले वीडियो फिलिम, अउ अब बड़े पर्दा तक के सफर म संत बाबा गुरू घासीदास जी के सतपंथ के अंजोर सरलग बगरत हाबे। जेमा अब अऊ बड़का काम होए हावय, मिले आरो के मुताबिक बाबा गुरू घासीदास अउ सफुरा माता के दूसरइया संतान गुरू बालकदास जी के जीवन उपर फिलिम बनाये गे हावय।

ऐतिहासिक जीवनी म बने पहिली छत्तीसगढ़ी फिल्म 'बलिदानी राजा गुरु बालकदास' ल सतनाम फिल्म के बैनर तरि बनाये गे हावय, जेमा निर्माता हे डॉ. जे.आर. सोनी अउ निर्देशन करे हाबे अमीर पती, संवाद लिखे हावय किश कुर्रे ह। बताये गे हावय के येमा अहम किरदार म ओम त्रिपाठी, सानिया कंबोज, अमरौतिन धृतलहरे, पुष्पेंद्र सिंह, लोकेश देवांगन, पुनित सोनकर, चंद्रशेखर चकोर के अलावा वर्तमान म आरंग के विधायक अउ धर्मगुरू गुरु खुशवंत साहेब, पूर्व संस्कृति मंत्री अमरजीत भगत तको बड़का भूमिका म नजर आही। फिल्म लगभग पूरा हो चुके हावय, कुछ दिन पहिली येकर प्रोमो तको देखाये गे रिहिस। अब अभिनेत्री अमरौतिन धृतलहरे के सोशल मीडिया पोस्ट ले आरो मिले हावय के अवइया 10 अगस्त के 'बलिदानी राजा गुरु बालकदास' के ऑफिसियल टीजर सुंदरानी यूट्यूब चैनल म रिलीज करे जाही।

जानबा होवय के गुरु बालकदास ह सतनाम धर्म के संस्थापक गुरु घासीदास जी के द्वितीय पुत्र अउ उत्तराधिकारी रिहिस। उंकर जनम 18 अगस्त 1805 ई. अउ मृत्यु 28 मार्च 1860 ई. के होइस। ये फिलिम म गुरु बालकदास के जीवन के संघर्ष हमन ल देखे बर मिलही। महान क्रांतिकारी, समाज सुधारक, युग पुरुष गुरु बालकदास जी ह ईस्ट इंडिया कंपनी के खिलाफ सैन्य विद्रोह म अगुवा रिहिस। येकर अलावा आदिवासी समाज म तको ऊपर प्रभाव रिहिस, सोनाखान के आदिवासी नेता वीर नारायण सिंह संग मित्रतापूर्ण संबंध रिहिस। तव अइसन बलिदानी राजा गुरु बालकदास के बायोपिक ह न केवल सतनामी समाज बल्कि संपूर्ण मानव जाति बर देखनी होही। अगोरा हावय रिलीज के जब 'बलिदानी राजा गुरु बालकदास' सिनेमाघर म आही। जय सतनाम...।

chhattisgarhi picture 'BALIDANI RAJA GURU BALAKDAS SAHEB'

chhattisgarhi picture 'BALIDANI RAJA GURU BALAKDAS SAHEB'

chhattisgarhi picture 'BALIDANI RAJA GURU BALAKDAS SAHEB'

chhattisgarhi picture 'BALIDANI RAJA GURU BALAKDAS SAHEB'

• Movie :- Balidani Raja Guru Balakdas
• Subject :- CG first historical & Biopic movie of Guru Balakdas ( Son of Guru Ghasidas )
• Star Cast :- Om Tripathi, Guru Khuswant Saheb, Amarjeet Bhagat, Sanya kamboj, Neha Shukla, Amroutin Ghritlahare, Mamta Pati, Dr Ajay Sahai, Punit Sonkar, Lokesh Dewangan, Puspendra Singh, Ajay Patel, Rajesh Pandya etc
• Producer :- Dr JR Soni & Ravindra Soni
• Director :- Amir Pati
• Story :- Dr JR Soni
• Music Director :- Happy Mishra
• DOP :- Sushil Acharya
• Dialogue :- Kis Kurre
• Language :- Chhattisgarhi

जानकारी के स्रोत- फेसबुक पेज अमरौतिन घृतलहरे

• गुरू बालकदास के बारे म अउ पढ़व:-  गुरू बालकदास
• बाबा गुरू घासीदास के बारे म अउ पढ़व:-  गुरू घासीदास