हरेली तिहार मनाने बर सज गे मुख्यमंत्री निवास

अंजोर.रायपुर,ए। हरेली तिहार के तइयारी के खातिर मुख्यमंत्री निवास एक छोटकन ले गांव के रूप म नजर आत हावय जिहां सबो कोति हरेली के धूम हावय। मुख्यमंत्री निवास एक ग्रामीण मड़ई मेला के रकम ले सुंदर साजसज्जा म नजर आत हावय। रहचुली झूला, गेड़ी अउ सुंदर बैलगाड़ी ले पूरा परिसर हरेली के रौनक ले दमक हावय।

जानबा होवय के जब प्रदेश के मुख्यमंत्री भूपेश बघेल रहिस तभे ले मुख्यमंत्री निवास म छत्तीसगढ़ के तीज-तिहार ल उच्छाह मंगल ले मनाये के परंपरा शुरू करे गे रिहिस। जेन अब भाजपा के विष्णुदेव साय के सरकार तको उही उच्छाह ले मनावत हावय।

मुख्यमंत्री विष्णु देव साय हरेली के मउका म परंपरागत तरीका ले पूजा करही। हरेली के मउका म पशुधन के पूजा के जात हावय। खेती किसानी के सुरू म मनाये जाये वाला ये परब धरती के प्रति हमर कृतज्ञता ल व्यक्त करत हावय अउ ए भावना के मुताबिक मुख्यमंत्री पूजा के पाछु किसान भाई ल आधुनिक कृषि औजार बाटे करही।

समय बदलता हावय फेर छत्तीसगढ़ अपन परंपरा नइ छोड़त। हवाई झूला के दौर म तको रहचुली झूला के परंपरा छत्तीसगढ़ के लोगन सुरता रखत हावयं जेन ओला अपन ग्रामीण अंचल अउ पुरखों ले जोड़त हावय। हरेली के पावन मउका म रहचुली झूले म चढ़ते हावयं अउ सुरता करत हावयं के मनोरंजन के माध्यम बदले हावयं मनोरंजन नइ बदले हावय। ए मउका म अतिथिमन रहचुली के उछाह ल फेर ले सुरता करही। गेड़ी के उछाह ल सुरता करही। सीसी रोड ले पहिली के दिन म जब ग्रामीण सड़क मानसून के उफान म कीचड़ म बदली हो जात रिहिस तब गेड़ी सबले सुरक्षित जरिया होवत रिहिस ताकि कीचड़ ले बच सकें। संग ही हरेली के मउका म बारंबार गेड़ी चढ़के सावन मास के उछाह ल जाहिर करे जात हावय।

हरेली के मउका म ग्रामीण खेल तको यादगार होवत हावयं। गेड़ी दउड़ जइसे कई प्रतिस्पर्धा होवत हावयं। परंपरागत छत्तीसगढ़ी खेल के जादू ए दिन उफान म होवत हावय। मुख्यमंत्री निवास म तको येकर पूरा तइयारी के गे हावय। पिट्ठूल, भौरा जइसे खेल बिसेस आकर्षण के केंद्र रइही। संग ही परंपरागत छत्तीसगढ़ी पकवान चीला, खुरमी, ठेठरी, अइरसा उक के तको आनंद लेही। ए मउका म सबले खास लोक संस्कृति ले जुड़े सांस्कृतिक कार्यक्रम के आयोजन हावय। राऊत नाचा, करमा नृत्य उक छत्तीसगढ़ के परंपरागत नृत्य के आयोजन होही। ए मउका म विविध लोकगीत के प्रस्तुति तको होही।