छत्तीसगढ़ी सिनेमा म पहिला बार एक मेगा बजट हिस्टोरिकल बायोपिक के निर्माण करे गे हावय। फिलिम के नाम हावय 'बलिदानी राजा गुरु बालकदास'। येकर निर्माण सतनाम फिल्म के बैनर तरि करे गे हावय। जेकर निर्माता हे डॉ. जे.आर. सोनी अउ निर्देशन करे हाबे अमीर पती, संवाद लिखे हावय किस कुर्रे ह। बताये गे हावय के येमा अहम किरदार म ओम त्रिपाठी, सानिया कंबोज, अमरौतिन धृतलहरे, पुष्पेंद्र सिंह, लोकेश देवांगन, पुनित सोनकर, चंद्रशेखर चकोर के अलावा वर्तमान म आरंग के विधायक अउ धर्मगुरू गुरु खुशवंत साहेब, पूर्व संस्कृति मंत्री अमरजीत भगत तको बड़का भूमिका म नजर आही।
बलिदानी राजा गुरु बालकदास के पाछू दिन टीजर तको सुंदरानी यूट्यूब चैनल म रिलीज होगे हावय। अब पारी हाबे टाइटल सांग के जेन ह 26 अगस्त के रीलिज होही। मिले आरो के मुताबिक 'सतनामी राजा गुरू बालकदास' सुंदरानी यूट्यूब चैनल म देखे बर मिलही।
- फिल्म:- बलिदानी राजा गुरु बालकदास
- विषय:- गुरु बालकदास (गुरु घासीदास के पुत्र) की सीजी की पहली ऐतिहासिक और बायोपिक फिल्म
- स्टार कास्ट:- ओम त्रिपाठी, गुरु खुशवंत साहेब, अमरजीत भगत, सान्या कम्बोज, नेहा शुक्ला, अमरौतिन घृतलहरे, ममता पति, चंद्रशेखर चकोर, डॉ अजय सहाय, पुनित सोनकर, लोकेश देवांगन, पुष्पेंद्र सिंह, अजय पटेल, राजेश पंड्या आदि।
- निर्माता :- डॉ जेआर सोनी और रवींद्र सोनी
- निर्देशक :- अमीर पति
- कहानी :- डॉ जेआर सोनी
- संगीत निर्देशक :- हैप्पी मिश्रा
- डीओपी :- सुशील आचार्य
- संवाद :- किस कुर्रे
- भाषा :- छत्तीसगढ़ी
फिल्म के बारे जानें-
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।