छत्तीसगढ़ी सिनेमा म अपन हास्य अंदाज ले खास चिन्हारी पाये आनंद मानिपुरी ह अपन नवा फिलिम 'ए ददा रे' लेके आवथाबे। ये फिलिम के बारे म बताये जावथे के ये हॉरर कॉमेडी मूवी आए माने हास्य के संग डराये के उदीम होगी। फिल्म के निर्माण एन माही फिल्म के मोहित साहू अउ एडीएम प्रोडक्शन के आनंद मानिकपुरी कोति ले साझा रूप म करे गे हावय। छायांकन करे हे राजू देवदास ह सहायक निर्देशक हे ज्ञानेन्द्र शुक्ला। फिलिम के लेखन अउ निर्देशन आनंद मानिकुपरी हरे हाबे। मिले आरो के मुताबिक ए ददा रे प्रदेश के सिनेमाघर म 30 अगस्त 2024 ले रिलीज होही।
पिक्चर के टीजर सोशल मीडिया म रिलीज होगे हावय। जेला दर्शक मन गजब मन करत हाबे। फिलिम गांव म प्रचलित कुप्रथा उपर कटाक्ष करत बताये के गे हावय के कइसे रकम ले गांव म भूत-परेत, चटिया-मटिया, टोना-टोटका के बीच बइगा-गुनिया के दुकान चलथे। आनंद मानिकपुरी के संवाद लिखे अपन खास अंदाज हावय, जेमा ओमन पात्र मनके मुताबिक चुटिला अंदाज म लिखे हावय। ट्रेलर म ही भारी मजा आथे। सबो के सबो एकेच बात किथे- ए ददा रे, ए ददा रे.., अऊ यहू बात पक्का हे के जब ये फिलिम देखे बर लोगन मन सिनेमाघर म आही त ओहू मनके मुंह ले निकलही 'ए ददा रे'। खैर ये तो ट्रेलर के खासियत रिहिस कुल मिलाके केहे जाए तो पूरा फिलिम फूल पइसा वसूल मनोरंजक हाबे। आप सब जरूर देखे बर जाहू सिनेमाघर म।
आनंद मानिकपुरी अपन पहिली फिल्म 'सरई' ले छॉलीवुड म खास चिन्हारी बनाये हाबे, खुद के दम म सिनेमा हिट कराये के ओमन जबर जज्बा रखथे। आंनद दूसरइया फीचर फिल्म म अपन टीम के कई कलाकार ल मउका दे हावय। जेमा एक नाम नवरंग यादव के हाबे। संग म हेमा शुक्ला, मुकेश यादव, मनोज यदु, चंदन पटेल, नितेश लहरी, ज्ञानेंद्र शुक्ला, मनीषा वर्मा, श्री पांडे, विनोद उपाध्याय, मंडी नायक, शशांक द्विवेदी, पीहू चौहान, अमन कांत, पिंकी साहू, अमिता यादव, विवेक चंद्रा, सत कुमार, सत्तू बरेठ, संतोष राठौर, निधि खुराना, नरेंद्र चंदेल, दिग्विजय पाठक, श्रीकांत गुप्ता के अहम भूमिका हाबे।
खास बात- आनंद मानिकपुरी बहुत मेहनत अउ लगन ले फिलिम बनाथे। ओमन हरेक चीज म बारिके ले काम करथे, चाहे छोटे वीडियो हो या बड़े फिलिम रिस्क लेके काम करथे। अइसने मेहनती लइका के मैं का, पूरा छत्तीसगढ़ के युवामन प्रशंसक हवय। येकर प्रमाण 'सरई' म देखे हाबन, बिगर कोनो जादा तामझाम के ही बड़े सुलझे हुए फिल्ममेकर मनके फिल्म ले टक्कर देवत छॉलीवुड म सफलता के झंडा गाडि़स। वइसे आनंद के काम ह बोलथे, ए ददा रे जरूर हिट साबित होही।
फिलिम के ट्रेलर ल देखे बर खाल्हे के लिंक (ए ददा रे) ल चपकव-
- निर्माता - मोहित साहू
- सह निर्माता - आनंद मानिकपुरी
- निर्देशक एवं कहानी - आनंद मानिकपुरी
- डीओपी - राजू देवदास
- एसोसिएट डायरेक्टर - ज्ञानेंद्र शुक्ला
- कोरियोग्राफर - चंदन दीप
- संपादक - आनंद मानिकपुरी, गौरांग त्रिवेदी
- वीएफएक्स - प्रवीर दास
- कलाकार - आनंद मानिकपुरी, हेमा शुक्ला, नवरंग यादव, मुकेश यादव, मनोज यदु, चंदन पटेल, नितेश लहरी, ज्ञानेंद्र शुक्ला, मनीषा वर्मा, श्री पांडे, विनोद उपाध्याय, मंडी नायक, शशांक द्विवेदी, पीहू चौहान, अमन कांत, पिंकी साहू, अमिता यादव, विवेक चंद्रा, सत कुमार, सत्तू बरेठ, संतोष राठौर, निधि खुराना, नरेंद्र चंदेल, दिग्विजय पाठक, श्रीकांत गुप्ता आदि रहे।
- गायक - मोनिका वर्मा, सुनील सोनी
- गीतकार - राहुल डडसेना
- संगीत - तोशांत कुमार एवं मोनिका वर्मा
- व्यवस्थाकर्ता - प्रफुल बेहरा
- स्टुडियो - मिलन स्टूडियो कटक
- वोकल रिकॉर्डिस्ट: दीप्ति रंजन, जेड सीरीज रिकॉर्डिंग स्टूडियो रायपुर
- डबिंग - स्वप्निल शर्मा
- मेकअप - नेहा यादव
- भाषा- छत्तीसगढ़ी
- प्रदर्शन - 30 अगस्त 2024
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।