छत्तीसगढ़ी पिक्चर। भाई-भाई फिल्म प्रोडक्शन के बैनर तरि बने छत्तीसगढ़ी पिक्चर 'आखिरी फैसला' फस्ट लूक सोशल मीडिया म लांच होगे हावय। मिले आरो के मुताबिक येमा हीरो के रूप रवि साहू नजर आही, संग हाबे हीरोइन दीक्षा जायसवाल अउ सोनाली सहारे। येकर अलावा गणपति देवांगन, सलीम अंसारी, धर्मेंद्र चौबे, क्रांति दीक्षित, प्रदीप शर्मा, अजय शर्मा, गेडा स्वामी बॉलीवुड विलेन, अजय पटेल, अमित चक्रवर्ती, तरूण देवांगन, पूजा टांडेकर, सिमरन देवांगन के तको अहम भूमिका हावय। फिल्म के निर्देशन करे हाबे आदिश कश्यप, निर्माता हावय यामिनी गणपति देवांगन अउ डीके देवांगन हावय।
खास बात-:
मिले आरो के मुताबिक पिक्चर म बॉलीवुड के बड़का कलाकार जेन अपन खास अंदाज ले माया नगरी म खलनायकी के बादशाह कहाइस अउ उंकर नाम परगे 'गेडा स्वामी'। ये नाम उनला ल तिरंगा फिलिम ले मिलिस असल नाम तो दीपक शिर्के हावय। दीपक शिर्के पहिली पइत छत्तीसगढ़ी सिनेमा म नजर आही। इही फिलिम अब्दुल गफ्फार खान तको दिखही जेन ह रामायण सीरियल म कुंभकरण के रोल करे रिहिस। अब ये फिक्चर म ओमन के का किरदार रइही येकर आरो तो पूरा फिलिम देखे के बादे मिलही।
शूटिंग लोकेशन-:
छत्तीसगढ़ी पिक्चर आखरी फैसला के शूटिंग छत्तीसगढ़ के कई खूबसूरत पाइंट म करे गे हावय जेमा रायपुर, बिलासपुर, कोनी, रानीगांव, कोरबा, सतरेंगा के संग बिलासा ताल, बंधवा तालाब, सरकंडा पूल रोड, रेलवे स्टेशन, बिलासा हवाई अड्डा, बस स्टैंड के संगे-संग नया रायपुर तको देखे बर मिलही।
आरो-:
बताये जाथे के छत्तीसगढ़ी फिल्म आखिरी फैसला 13 सितंबर 2024 के रिलीज होही। रायपुर म 1 सितंबर के पोस्टर विमोचन कार्यक्रम हाबे। बिलासपुर में 4 सितंबर 2024 के ओपन मीट राखे गे हावय।
- Bhai Bhai Film Production... Presents Mo. 7440521234, 8770332193
- Star Cast- Ravi Sahu, Diksha Jaiswal, Sonali Sahare, Ganpati Dewangan, Salim Ansari, Dharmendra Choubey, Kranti Dixit, Pradeep Sharma, Ajay Sharma, Geda Swami Bollywood Villain, Ajay Patel, Amit Chakraborty, Tarun Dewangan, Pooja Tandekar, Simran Dewangan.
- Special Artist - Deepak Shirke and Abdul Ghaffar Khan
- Filmmaker – Yamini Ganpati Dewangan, DK Dewangan
- Director- Adish Kashyap
- Screenplay and composition by Yogesh Devangan,
- Music by Om Parmanand Vaishnav,
- Lyrics- Om Parmanand Vaishnav, Neelam Pankra,
- choreographer- Sanju Tandi, Nandu Tandi,
- Voice- Anurag Sharma, Sunil Soni, Om Parmanand Vaishnav, Anupama Mishra, Kanchan Joshi, Sunita Vastrakar,
दीक्षा जायसवाल छत्तीसगढ़ के नवोदित सितारा आए, अभी हाल ही म उंकर दू बड़े फिलिम रिलीज होइस। दीक्षा बिलासपुर अंचल के कलाकार आए ओमन सिनेमा के पहिली वीडियो एल्बम म तको काम करे हावय। बीए फाइनल ईयर म मन कुरैशी के संग ओमन जोड़ी ल गजब मन करे गिस। येकर बार सतीश जैन के फिलिम मोर छइंहा भुइंया 2 म ओमन के काम के बहुत सराहना होइस। अब आखरी फैसला म ओमन के बड़का किरदार देखे बर मिलही।
रवि साहूू छॉलीवुड बर कोनो नवा नाम नोहय, सरलग ओमन कैरेक्टर आर्टिस्ट के रूप म छत्तीसगढ़ी सिनेमा म अपन बड़े नाम बनाये हाबे, इही सेती अब ओमन के कला प्रतिभा ल देखत बतौर नायक आखरी फैसला म मउका मिले हावय। रवि साहू के नाम छॉलीवुड म कई हिट फिल्म हाबे।
अभिनेत्री सोनानी सहारे छॉलीवुड म अपने पहिली ही फिलिम ले सफलता के परचम लहराये हाबे। बहुत खूबसूरत अउ छत्तीसगढ़ के नेचूरल व्यूटी क्वीन के रूप म ओमन ल दर्शक मन खास पसंद करथे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।