Pradhan Mantri Fasal Bima Yojana 16 अगस्त 2024 तक होही फसल बीमा

छत्तीसगढ़ शासन डहर ले प्रधानमंत्री फसल बीमा योजनांतर्गत खरीफ 2024 म किसान मन के हित ल धियान म रखत होइस फसल मन के बीमा के तिथि ल बढ़ात 16 अगस्त 2024 कर दे हावय। भारत सरकार ह सबो अधिसूचित फसल मन के खातिर करजादार अउ अऋणी किसान मन के नामांकन के खातिर कट ऑफ के तिथि ल 16 अगस्त कर दे हावय। 

राज्य के किसान करार तिथि तक अपन फसल मन के बीमा कराये के अपील करे गे हावय। कृषि विभाग ले मिले जानकारी के मुताबिक छत्तीसगढ़ शासन ह प्रधानमंत्री फसल बीमा योजना के तहत जिला के किसान मुख्य फसल धान सिंचित, धान असिंचित अउ आन फसल मक्का, मूंगफली, मूंग, उड़द, सोयाबीन, अरहर, कोदो, कुटकी, रागी के बीमा करा सकत हावयं। किसान मन के फसल ल प्रतिकूल मौसम, सूखा, बाढ़, जलप्लावन, कीटव्याधि, ओलावृष्टि उक प्राकृतिक आपदा ले होए वाला नुकसान ले राहत देवाये के खातिर बीमा म सामिल करे गे हावय।

प्रधानमंत्री फसल बीमा योजनान्तर्गत करजादार अउ अऋणी किसान जेन भू-धारक अउ बटाईदार हो सामिल हो सकत हावयं, जेन किसान अधिसूचित गांव अउ राजस्व निरीक्षक मंडल म अधिसूचित फसल के खातिर वित्तीय संस्थान ले मौसमी कृषि करजा स्वीकृत, नवीनीकृत करे गे हो। योजना करजादार किसान मनके खातिर विकल्प चयन आधार म क्रियान्वित होही, करजादार किसान जेन योजना म सामिल नइ होना चाहत हावय, ओला स्व हस्ताक्षरित घोसना पाती बीमा आवेदन के आखरी तिथि के 7 दिन पहिली तक संबंधित वित्तीय संस्था म जमा करना होही। विकल्प चयन नइ करे म अनिवार्य रूप ले बीमाकृत करिन जाही। इंकर अलावा मनछाहित आधार म अधिसूचित फसल उगाने वाला सबो गैर करजादार किसान जेन योजना म सामिल होए के इच्छुक हो, वो ह बुआई परमान पाती क्षेत्रीय पटवारी, ग्रामीण कृषि विस्तार अधिकारी डहर ले सत्यापित करा के अउ आन दस्तावेज प्रस्तुत करके योजना के फायदा ले सकत हावयं।

किसान मन डहर ले प्रदाय करे जाये वाला प्रीमियम दर, खरीफ साल 2024 म प्रधानमंत्री फसल बीमा योजनान्तर्गत कुल बीमित रकम के 2 परतिसत मुख्य फसल धान सिंचित 1200 रूपए, धान असिंचित 900 रूपिया अउ आन फसल मक्का 900 रूपए, मूंगफली 840 रूपए, मूंग अउ उड़द 540 रूपए, सोयाबीन 960 रूपए, अरहर 760 रूपए, कोदो 320 रूपए, कुटकी 340 रूपिया अउ रागी 300 रूपिया किसान मन डहर ले प्रीमियम रकम देय हावय। एक ही अधिसूचित क्षेत्र अउ अधिसूचित फसल के खातिर आने-आने वित्तीय संस्था मन ले कृषि करजा मंजूर होए के स्थिति म किसान मन ल एक ही ठऊर  ले बीमा कराइन जाना हावय। येकर सूचना किसान मन ल संबंधित बैंक ल देना होही। 

करजादार अउ अऋणी किसान मन डहर ले समान रकबा, खसरा के दोहरा बीमा कराइन के स्थिति म जेन रकबा पहिली प्रविष्टि के गे हो ल स्वीकार करिन जाही अउ आन सबो बीमा ल कंपनी डहर ले निरस्त करिन करके प्रीमियम के रकम योजना प्रावधानानुसार अंतरित (राजसात) करिन जाही। येकर संबंध म देशव्यापी हेल्पलाईन नंबर 14447 अउ +91-18004190344 ले तको जानकारी मिले के जा सकत हावय। किसाननिर्धारित आखरी तिथि अपन फसल मन के बीमा करा के पावती जरूर करके लें। बीमा बर आधार कारड अनिवार्य हावय अउ करजा पुस्तिका, बैंक पासबुक, बुवाई परमान पाती के जरूरत  परत हावय। येकर खातिर अपन समिति, संबंधित बैंक, बीमा प्रदायक कंपनी भारतीय कृषि बीमा कंपनी, लोक सेवा केन्द्र, एआईडीई मोबाईल एप ले तको अपन फसल मन के बीमा करा सकत हावयं।

समाचार छत्‍तीसगढ़ी अनुवाद- जयंत साहू