मुख्यमंत्री विष्णु देव साय ह राजनांदगांव के क्लब हाऊस सन सिटी म परसिध कथावाचक पंडित प्रदीप मिश्रा ले सौजन्य मुलाकात करिस। मुख्यमंत्री विष्णु देव साय अउ विधानसभा अध्यक्ष डॉ. रमन सिंह ह ओला शाल-श्रीफल दे करके सम्मानित करिन अउ सुरता चिनहा के रूप म बेलमेटल के नंदी के मूरति भेंट करिस। मुख्यमंत्री ह किहिन के पावन सावन मास चलत हावय, ए बखत आपसे मुलाकात करे के मोला सौभाग्य मिलिस।
मुख्यमंत्री साय अउ विधानसभा अध्यक्ष डॉ. सिंह ह पूजा-अर्चना के अउ पंडित प्रदीप मिश्रा ले आशीर्वाद लिस। ए मउका म पूर्व सांसद मधुसूदन यादव, राजनांदगांव के कलेक्टर संजय अग्रवाल, पुलिस अधीक्षक मोहित गर्ग सहित केऊ जनप्रतिनिधि मौजूद रिहिस।
समाचार के छत्तीसगढ़ी़ अनुवाद- जयंत साहू
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।