छत्तीसगढ़ी समाचार अनुवादक जयंत साहू
रामलला दरसन योजना ले छत्तीसगढ़ सरकार ह प्रदेश के जनता ल फोकट म अयोध्या के यातरा कराके श्री रामलला के दरसन करवाथे। ये योजना सिरिफ छत्तीसगढ़ के जनता खातिर सुरू करे गे हावय। इही ओढ़र म बिसेस रेल ले आज रायपुर रेल्वे स्टेशन के प्लेटफार्म नंबर-07 ले रवाना होइस। राजस्व मंत्री टंक राम वर्मा ह हरियर झंडी देखाके रेल ल रवाना करिन। ए बिसेस रेल ले 850 दरस करइया के जत्था अयोध्या धाम के खातिर रवाना होइस। ए यात्रा ले दरस करइया म भारी उछाह हावय। दरस करइयामन भगवान राम के जय-जयकार करत होइस अयोध्या धाम के खातिर निकल चुके हावयं। रेल म दरस करइया भजन-कीर्तन करत भक्तिमय माहौल म रामलला के दरसन ल जा रिहिन हावय।
ए मउका म विसेस रूप ले विधायक मोतीलाल साहू, पूर्व विधायक श्रीमती रंजना डीपेन्द्र साहू, पूर्व विधायक नन्दे साहू, पूर्व अध्यक्ष सीएसआईडीसी छगनलाल मुंदड़ा सहित जनप्रतिनिधिगण मौजूद रिहिन।
रामलला दरसन के खातिर दरस करइया मन ह किहिन के मुख्यमंत्री विष्णुदेव साय ह रामलला दरसन के खातिर योजना के सुरू के हावय। येकर खातिर मुख्यमंत्री के बहुत-बहुत धन्यवाद। अयोध्या के दरसन हम जइसे लोगन के खातिर असंभव रिहिस, फेर मुख्यमंत्री के पहल म आज हमन ल अयोध्या म रामलला के दरसन संभव होइस हावय। आज अयोध्या के खातिर रवाना होत हावय अउ हमन ल बहुत खुसी हो रेहे हावय। अयोध्या म रामलला के बड़का अउ सुंदर मंदिर बनाए गे हावय। रामलला के दरसन के खातिर यात्रा ले बहुत खुसी होत हावय। यात्रा के बखत हम सबो ल काशी विश्वनाथ जी के दरसन के फायदा तको मिले होही। यात्रा ल लेके यात्री म उछाह के माहौल देखे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।