छत्तीसगढ़ी समाचार अनुवादक जयंत साहू
राज्य खेल अलंकरण समारोह म राज्य के प्रतिभावान खिलाड़ी मन ल पुरस्कृत करही मुख्यमंत्री विष्णुदेव साय ह। कार्यक्रम के अध्यक्षता विधानसभा अध्यक्ष डॉ.रमन सिंह करही। कार्यक्रम के अतिविशिष्ट पहुना केन्द्रीय आवास अउ शहरी विकास राज्य मंत्री तोखन साहू, उपमुख्यमंत्री द्वय अरूण साव अउ विजय शर्मा अउ खेल अउ युवा कल्याण मंत्री टंकराम वर्मा होही। खेल अउ युवा कल्याण विभाग डहर ले राज्य खेल अलंकरण समारोह के आयोजन राजधानी रायपुर के पं. दीनदयाल उपाध्याय ऑडिटोरियम म मंझनिया 12 बजे ले करे जाही।
कार्यक्रम म खास पहुना के रूप म रायपुर सांसद बृजमोहन अग्रवाल, कृषि मंत्री रामविचार नेताम, वन मंत्री केदार कश्यप, खाद्य मंत्री दयाल दास बघेल, वित्त मंत्री ओ.पी. चौधरी, स्वास्थ्य मंत्री श्याम बिहारी जायसवाल, उद्योग मंत्री लखनलाल देवांगन, महिला अउ बाल विकास मंत्री श्रीमती लक्ष्मी राजवाड़े, विधायक सबो राजेश मूणत, पुरन्दर मिश्रा, मोतीलाल साहू, अनुज शर्मा, इन्द्रकुमार साहू, गुरू खुशवंत साहेब होही।
कार्यक्रम म राज्य शासन डहर ले साल 2021-22 के खातिर शहीद राजीव पाण्डे पुरस्कार के खातिर 06, शहीद कौशल यादव पुरस्कार के खातिर 06, वीर हनुमान सिंह पुरस्कार के खातिर 02, शहीद पंकज विक्रम सम्मान 11, शहीद विनोद चौबे सम्मान के खातिर 05 अउ मुख्यमंत्री ट्राफी साल 2021-22 के खातिर 11 खिलाड़ी मन ल सम्मानित करिन जाही।
इही रकम ले साल 2022-23 बर शहीद राजीव पांडेय पुरस्कार के खातिर 04, शहीद कौशल यादव पुरस्कार के खातिर 07, वीर हनुमान सिंह पुरस्कार के खातिर 01, शहीद पंकज विक्रम सम्मान 15, शहीद विनोद चौबे सम्मान के खातिर 05 अउ मुख्यमंत्री ट्राफी साल 2022-23 के खातिर 24 चयनित खिलाड़ी मन ल ट्राफी देके सम्मानित करे जाही।
खेल विभाग के अधिकारी बताइन के पुरस्कार साल 2021-22 अउ 2022-23 के खातिर 97 पुरस्कारग्राही खिलाड़ी मन ल दे जाही 76 लाख रूपिया के पुरस्कार राशि, पदक विजेता 502 खिलाड़ी मन के बैंक खाता म जाही 60.33 लाख रूपिया के रकम ए रकम ले खिलाड़ी मन ल मिलही 01 करोड़ 36 लाख 33 हजार रूपिया सामिल हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।