अखिल भारतीय कुश्ती प्रतियोगिता रायगढ़ के रामलीला मैदान म शुरू

छत्‍तीसगढ़ी समाचार अनुवादक जयंत साहू

छत्‍तीसगढ़ के रायगढ़ के रामलीला मैदान म अखिल भारतीय कुश्ती प्रतियोगिता सुरू। महाराज चक्रधर सिंह अउ भगवान हनुमान जी के छायाचित्र म पुष्पमाला अर्पित करके प्रतियोगिता सुरू करे गिस। ये मउका म वित्तमंत्री चौधरी ह प्रतियोगिता म सामिल सबो खिलाड़ी ले परिचय ले के बढि़या खेल प्रदर्शन खातिर सुभकामना दीस।

मउका म देश भर ले आए कुल 275 रेसलर्स के बीच कुश्ती प्रतियोगिता के आयोजन कराये जात हावय। कुश्ती प्रतियोगिता के सुव्यवस्थित आयोजन के खातिर जिला प्रशासन अउ कुश्ती संघ ल बधाई देत ओ पी चौधरी ह किहिन के ए रकम ले के प्रतियोगिता बड़े स्तर म जिला म वैभवशाली ढंग ले मनाये जात हावय, जेन हम सबो के खातिर गौरव के बात हावय। ओमन ए मउका म विधायक निधि ले कुश्ती मेट दे के घोसना तको करिस। येकर संग ही ओमन किहिन के कुश्ती ल जिला म विकसित करे के खातिर योजना बनाये जात हावयं। जेकर ले रेसलर्स ल कुश्ती के क्षेत्र म आगू बढ़े के मउका मिलही।

इंटरनेशनल रेफरी ल गदा दे करके करे गिस सम्मानित-

वित्तमंत्री ओपी चौधरी ह राष्ट्रीय कुश्ती प्रतियोगिता के सुरू मउका म दिल्ली ले आए इंटरनेशनल रेफरी अजीत मान अउ हरियाणा के यशवीर सिंह ढाका ल गदा दे के सम्मानित करिन। ए मउका म रायगढ़ कलेक्टर कार्तिकेय गोयल, कुश्ती संघ के दिनेश जायसवाल, राजानंद यादव, श्याम सिंह सोनी, रमन यादव, सुश्री भाविका पाण्डेय, मनोज साहू अउ स्थानीय जनप्रतिनिधि मौजूद रिहिस।