छत्तीसगढ़ समाचार अनुवादक जयंत साहू
छत्तीसगढ़ लोक सेवा आयोग डहर ले आयोजित राज्य सेवा परीक्षा-2023 के मुख्य परीक्षा के परिणाम जारी कर दे हावय। मुख्य परीक्षा के परिणाम के मुताबिक कुल 703 आवेदन करइया ल साक्षात्कार के खातिर चयनित करे गे हावय।
जानबा होवय के छत्तीसगढ़ लोक सेवा आयोग डहर ले आयोजित राज्य सेवा परीक्षा-2023 के 17 आने-आने सेवा के खातिर कुल 242 पद म भरती बर विज्ञापन जारी करे गे रिहिस। प्रारंभिक परीक्षा परिणाम के आधार म 3597 आवेदन करइया के चयन राज्य सेवा (मुख्य) परीक्षा-2023 के खातिर करे गिस रिहिस, जेन 24 ले 27 जून 2024 तक आयोजित के गिस।
मुख्य परीक्षा के परिणाम आयोग के वेबसाइट म अपलोड कर दे गे हावयं। साक्षात्कार के तिथि अउ विस्तार ले सूचना आयोग के वेबसाइट म जारी करे जाही। सबो चयनित आवेदन करइया ल आयोग के आधिकारिक वेबसाइट www.psc.cg.gov.in म विज्ञापित पद के अग्रमान्यता ऑनलाइन दर्ज करना होही, जेकर खातिर तिथि बाद म घोसित करे जाही।
साक्षात्कार म सामिल होए ले पहिली आवेदन करइया ल उंकर करार साक्षात्कार तिथि ले एक दिन पहिली अपन मूल दस्तावेज के सत्यापन छत्तीसगढ़ लोक सेवा आयोग म करवाना अनिवार्य होही। बिना दस्तावेज सत्यापन के आवेदन करइया ल साक्षात्कार म सामिल होए के मंजूरी नइ दे जाही।
इहां देखव परिणाम पीडीएफ फाइल- Click and download PDF file
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।