 |
| government jobs in chhattisgarh |
छत्तीसगढ़ी समाचार अनुवादक जयंत साहू
छत्तीसगढ़ शासन के आने-आने विभाग म युवा मन के भरती के सुरू करके दे हावय। मुख्यमंत्री विष्णु देव साय के पहल म अब तक लगभग 8 विभाग म 3,474 पद के भरती के खातिर वित्त विभाग ह अपन मंजूरी दे दीस हावय। खाली पद म भरती के प्रक्रिया ल लेके सबो विभाग प्रस्ताव बनाये ले लेके शासन ले मंजूरी के तइयारी म जुटे हावयं। मुख्यमंत्री साय के मंशानुरूप विभाग म भरती के प्रक्रिया अनवरत रूप ले जारी रइही।
मुख्यमंत्री के निर्देश के मुताबिक वित्त विभाग ले मंजूरी मिले के बाद स्वास्थ्य विभाग, लोक स्वास्थ्य यांत्रिकी विभाग, कृषि विभाग, ग्रामीण आजीविका मिशन, गृह विभाग, विधि विभाग, आदिम जाति कल्याण, वन अउ पर्यावरण विभाग अपन-अपन विभाग म भरती प्रक्रिया ल आगू बढ़ाये म लगे हावयं।
कहां होही भरती देखा
- लोक स्वास्थ्य यांत्रिकी विभाग म उप अभियंता (सिविल) के 118, उप अभियंता (विद्युत/यांत्रिकी) के 10 पद सहित 181 पद म भरती के मंजूरी वित्त विभाग ह दीस हावय।
- गृह विभाग म सूबेदार, उप पुलिस निरीक्षक, प्लाटून कमांडर, नगर सैनिक सहित कुल 806 पद म भरती के खातिर वित्त विभाग ले मंजूरी मिले हावय।
- स्वास्थ्य विभाग के ले चिकित्सा अधिकारी, आयुर्वेद चिकित्सा अधिकारी, स्टॉफ नर्स सहित आन संवर्ग के 1201 पद म मंजूरी होए हावय।
- छत्तीसगढ़ विधानसभा म सहायक मार्शल के पद के मंजूरी होए हावय।
- आदिम जाति कल्याण विभाग म छात्रावास अधीक्षक के 300 पद भरती के प्रक्रिया जारी हावय।
- वन विभाग म वन रक्षक सहित आन संवर्ग के कुल 66 पद म भरती प्रक्रियाधीन हावय।
- पंचायत अउ ग्रामीण विकास विभाग आजीविका मिशन के ले आने-आने संवर्ग के 237 म भरती होही।
- विधि विभाग के ले न्यायालय म व्यवहार न्यायाधीश सहित आन संवर्ग के कुल 362 पद म भरती होही।
- कृषि विभाग के ले 321 ग्रामीण कृषि विस्तार अधिकारी के भरती के रद्दा खुल गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।