छत्तीसगढ़ी समाचार अनुवादक जयंत साहू
भारत सरकार के नवा अउ नवीकरणीय शक्ति मंत्रालय, नवा दिल्ली डहर ले 11 ले 13 सितंबर 2024 ले आयोजित दूसरइया अंतर्राष्ट्रीय ग्रीन हाइड्रोजन सम्मेलन म प्रधानमंत्री नरेन्द्र मोदी के वर्चुअल उपस्थिति में, हरदीप पुरी, मंत्री, पेट्रोलियम अउ प्राकृतिक गैस मंत्रालय, भारत सरकार, प्रोफेसर अजय सूद, भारत सरकार के प्रधान वैज्ञानिक सलाहकार, सचिव, नवा अउ नवीकरणीय शक्ति मंत्रालय, डायरेक्टर जर्नल डीएसआईआर अउ आन वरिष्ठ अधिकारी मनकी गरिमामयी उपस्थिति म करे गिस, ये अंतर्राष्ट्रीय सम्मेलन के मुख्य उद्देश्य भारत ल हरित हाइड्रोजन के उत्पादन, उपयोग अउ निर्यात बर एक वैश्विक केन्द्र के रूप म विकसित करना हावय।
ए जरूरी अंतर्राष्ट्रीय सम्मेलन म छत्तीसगढ़ के प्रतिनिधित्व सुमित सरकार, मुख्य कार्यपालन अधिकारी, छत्तीसगढ़ बायोफ्यूल विकास प्राधिकरण (सीबीडीए) डहर ले करे गिस। ए सम्मेलन म छत्तीसगढ़ राज्य डहर ले बायोमास आधारित ग्रीन हाइड्रोजन उत्पादन म अपन अभिमत अउ ए दिशा म करे जात आने-आने जरूरी बुता म प्रस्तुतीकरण देत अपरम्परागत् ताकत के क्षेत्र म जैव ईंधन के रूप म ग्रीन हाइड्रोजन के प्रोत्साहन के दिशा म करे जात बुता ले आरो कराइन। संग ही ये तको आरो कराइन के राज्य के पूरा ग्रामीण परिदृश्य म बायोमास जइसे के कृषि अपशिष्ट, डेयरी उद्योग ले निकले वाला अपशिष्ट, फल अउ सब्जी बाजार के अपशिष्ट, गोबर के बहुतायत हावय, जेकर वाजिब तकनीक ले प्रसंस्करण करके जबर पैमाने म ग्रीन हाइड्रोजन के उत्पादन के अपार संभावना हावयं। ये प्रयास सफल होए म राज्य म संचालित जबर स्टील उद्योग, खाद्य प्रसंस्करण इकाईयों, फर्टीलाईजर इकाई म ग्रीन हाइड्रोजन के उपयोग इन्डस्ट्रीयल एप्लीकेशन के रूप म करे जाही। ए रकम ले राष्ट्रीय ग्रीन हाइड्रोजन मिशन साल 2030 के लक्ष्य 05 मिलियन मीट्रिक टन उत्पादन के दिशा म छत्तीसगढ़ के अहम् योगदान होही अउ ताकत संरक्षण के दिशा म आत्मनिर्भर भारत के परिकल्पना ल साकार करे म मदद मिलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।