छत्तीसगढ़ी समाचार अनुवादक जयंत साहू
मुख्यमंत्री विष्णु देव साय के अगुवई म प्रदेस के मजदूर के हित म केऊ कल्याणकारी योजना संचालित करे जात हावय। जेकर सोज फायदा मजदूर अउ उंकर परिवार के सदस्य मन ल मिलत हावय। उद्योग मंत्री लखन लाल देवांगन ह बताइन के मुख्यमंत्री विष्णु देव साय 17 सितंबर विश्वकर्मा जयंती के मउका म ‘श्रमिक सम्मेलन‘ म 57 हजार ले जादा पंजीकृत मजदूर अउ उंकर परिवार के सदस्य मन ल 49 करोड़ 43 लाख 52 हजार 294 रूपिया केन्द्रीकृत डी.बी.टी. के माध्यम ले बाटही। ये सम्मेलन राजधानी के इंदिरा गाँधी कृषि विश्वविद्यालय जोरा के कृषि मंडपम म आयोजित होही।
श्रम विभाग के अधिकारी मन इहां बताइन के प्रदेस के पंजीकृत मजदूर अउ उंकर परिवार के सदस्य मन ल श्रम विभाग के अधीन छत्तीसगढ़ भवन अउ आन सर्न्न्मिाण कर्मकार कल्याण मंडल के ले 47 हजार 726 निर्माण मजदूर 38 करोड़ 37 लाख 10 हजार 652 रूपए, छत्तीसगढ़ असंगठित कर्मकार राज्य सामाजिक सुरक्षा मंडल ले 6873 मजदूर ल 9 करोड़ 86 लाख 58 हजार 500 रूपिया अउ छत्तीसगढ़ श्रम कल्याण मंडल ले 2496 मजदूर ल 1 करोड़ 19 लाख 83 हजार 142 रूपिया के रकम डी.बी.टी. के जरिए बाटही। ए रकम ले कुल 57 हजार 95 मजदूर ल कुल रकम 49 करोड़ 43 लाख 5 हजार 229 रूपिया के बाटे केन्द्रीयकृत डी.बी.टी. के माध्यम ले करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।