आचार्य विनोबा भावे के जयंती म करिन नमन मुख्यमंत्री विष्णु देव साय

छत्‍तीसगढ़ी समाचार अनुवादक जयंत साहू

भूदान आंदोलन के प्रणेता, समाज सुधारक अउ स्वतंत्रता संग्राम सेनानी भारत रत्न आचार्य विनोबा भावे के 11 सितंबर ल जयंती म ओला नमन करिन हावय मुख्यमंत्री विष्णु देव साय। साय ह किहिन के विनोबा जी ह अपन जिनगी गरीब मन अउ दलित मनके सेवा बर समर्पित कर दीस अउ उंकर अधिकार बर खड़े होइस। ओमन समाज म व्याप्त असमानता जइसे सामाजिक बुराइ ल खतम करे के दिशा म अथक प्रयास करिन। संग म आचार्य भावे ह देश म आजादी के अलख जगाये म जरूरी योगदान दीस। साय ह किहिन के आचार्य विनोबा भावे के सामाजिक सुधार अउ दीन दुखी मनके उत्थान के प्रति उंकर अटूट समर्पण हमन ल आज तको प्रेरित करत हावय।