उप मुख्यमंत्री अरुण साव अउ सचिव डॉ. कमलप्रीत सिंह ह न्यूयॉर्क, वाशिंगटन, केलिफोर्निया, सेन फ्रांसिस्को म सड़क बनाये तकनीक के आरो लिही

छत्‍तीसगढ़ी समाचार अनुवादक जयंत साहू

उप मुख्यमंत्री अउ लोक निर्माण मंत्री अरुण साव एशियन डेवलपमेंट बैंक के नेवता म नौ दिवसीय अध्ययन दौरा म सम्मार के रतिहा अमेरिका के खातिर रवाना होगे हावयं। लोक निर्माण विभाग के सचिव डॉ. कमलप्रीत सिंह तको उंकर संग जात हावयं। दुनों सम्मार रतिहा साढ़े 11 बजे के नवा दिल्ली-न्यूयॉर्क फ्लाइट ले अमेरिका के खातिर रवाना होइस। वो अमेरिकी समय के मुताबिक मंगलवार बिहनिया 06:20 बजे न्यूयॉर्क पहुंचही।

उप मुख्यमंत्री अरुण साव अपन अमेरिका अध्ययन प्रवास के बखत न्यूयॉर्क, वाशिंगटन, केलिफोर्निया अउ सेन फ्रांसिस्को म सड़क परियोजना के भ्रमण करही अउ सड़क बनाये के तकनीक के जानकारी लेही। वो ए बखत एशियन डेवलपमेंट बैंक डहर ले आयोजित कार्यशाला-सह-प्रशिक्षण म तको हिस्सा लेही। वो उहां उन्नत सड़क परियोजना के संग ही अच्छा गुणवत्ता के सड़क बनाये अउ छत्तीसगढ़ म एमन ल लागू करे के संबंध म गोठबात करही। साव 18 सितम्बर ल भारत लहुटही।