भोरमदेव मंदिर के जीर्णाेद्धार, 11वीं शताब्दी म बने मंदिर होवथे केमिकल ट्रीटमेंट वाटर रूफिंग

छत्तीसगढ़ के प्रमुख धार्मिक, पुरातात्विक, पर्यटन जगह ल सहेजे अउ संवारेे के बिसेस प्रयास करे जात हावय। छत्तीसगढ़ के कबीरधाम जिला म स्थापित 11वीं शताब्दी के भोरमदेव मंदिर के केमिकल ट्रीटमेंट वाटर रूफिंग बुता करे जात हावय। छत्तीसगढ़ शासन डहर ले भोरमदेव मंदिर के सुदृढ़ीकरण के खातिर 65.51 लाख रूपिया मंजूरी करे गे हावय। पुरात्तव अउ संस्कृति विभाग के विशेषज्ञ अउ कुशल कामगार डहर ले मंदिर के सुदृढ़ीकरण अउ आन तकनीकी बुता सुरू करे गे हावय।

उपमुख्यमंत्री विजय शर्मा बीते दिन अपन निवास कार्यालय म संस्कृति अउ पुरातत्व विभाग अउ कबीरधाम जिला के गणमान्य नागरिक अउ पुजारी के संग भोरमदेव मंदिर के जीर्णाेद्धार, दरस करइया के खातिर सुविधा ल बढ़ाये अउ मंदिर परिसर के विकास के आने-आने प्रस्ताव म गोठबात करे गिस। उपमुख्यमंत्री विजय शर्मा ह बरसात के दिन म भोरमदेव मंदिर म पानी रिसाव के समस्या ल दूरिहा करे विभाग के अधिकारी मनजा निर्देश दे रिहिस। ओमन भोरमदेव महोत्सव ले पहिली अभी के बेरा म चल रिहिन बनाये बुता अउ ट्रीटमेंट ल पूरा करे के निर्देश दे हावय। ओमन दरस करइया के खातिर शेड के निर्माण, चौकीदार क्वाटर ल मंदिर के पास ले अंते शिफ्ट करे अउ मंदिर के पाछु वीआईपी गेस्ट रूम बनाये, दीवार ल हटाकर ग्रील अउ गेट लगाये के संग ही जीर्णाेद्धार के बखत भैरव मंदिर, चामुंडा महतारी मंदिर अउ हनुमान मंदिर उक के जुन्ना स्वरूप ल यथावत रखे के निर्देश दे रिहिस।