आयुष्मान भारत योजना के तहत राशन कारड ले बड़े ले बड़े बीमारी के होही फोकट म इलाज

छत्‍तीसगढ़ी समाचार अनुवादक जयंत साहू

खाद्य मंत्री दयाल दास बघेल ह आज बेमेतरा जिला के नवागढ़ म यशस्वी प्रधानमंत्री नरेन्द्र मोदी जी के जन्मदिवस के उपलक्ष्य म आयोजित स्वास्थ्य शिविर के सुरू करिन। मंत्री बघेल ह किहिन के प्रधानमंत्री नरेन्द्र मोदी के सोच ले अब आयुष्मान भारत योजना के तहत राशन कारड ले बड़े ले बड़े बीमारी के फोकट म इलाज हो जाथे। इही सेती जादा ले जादा संख्या म राशन कारड बनवाएं। ओमन किहिन के कुछ मेडिकल अउ डॉक्टर मन के पास नशीली इंजेक्शन अउ सिरप बेचे के तको जानकारी संज्ञान म आये हावय। ओमन लोगन ले अपील करत किहिन के अइसे नशीली दवई मन ल बेचे वाला के शिकायत करें, उन म कड़ी ले कड़ी कार्रवाई करे जाही।

मंत्री बघेल ह किहिन के नशीली इंजेक्टशन, सिरप अउ मेडिसीन सहित आन नशीली मादक जिनिस नवयुवक अउ आने वाला पीढ़ी ल बर्बाद कर देत हावय। ये नशीली मादक पदार्थ के प्रति डॉक्टर मन अउ स्टाफ ल इंकर दूष्परिणाम के प्रति लोगन ल जागरूक करे के जरूरत हावय। 

ओमन किहिन के राज्य सरकार डहर ले नवागढ़ विधानसभा क्षेत्र सहित प्रदेस के आखरी छोर तक सबो के इलाज के खातिर जरूरी स्वास्थ्य सुविधा मौजूद कराये जात हावय। ओमन किहिन के लोगन के इलाज के खातिर सरकार के पास पइसा के कोनो कमी नइ हावय। ओमन जादा ले जादा लोगन ल स्वास्थ्य विभाग सहित शासन के योजना मन के फायदा ले के अपील करिस।

मंत्री बघेल ह किहिन के मुख्यमंत्री विष्णुदेव साय के सरकार राज्य के किसान मन, गरीब मन सहित सबो वर्ग के समृद्धि के खातिर काम करत हावय। चाहे वो ह राज्य के किसान मन ले 21 कोंटल प्रति एकड़ 3100 रूपिया के भाव ले धान खरीदी के बात हो, महतारी वंदन योजना के तहत 70 लाख ले जादा महिला मन के खाता म एक-एक हजार रूपिया अंतरण के बात हो। हमर सरकार ह अपन संकल्प ल पूरा करे के काम करे हावय। ओमन किहिन के प्रदेस के हर गरीब ल छत दिलाना सरकार के प्राथमिकता म हावय।

मुख्यमंत्री साय ह सरकार म आते ही गरीब मन के पक्के घर के खातिर 18 लाख प्रधानमंत्री घर मंजूर करे के काम करिन। उहें हाल ही म साढ़े आठ लाख परिवार के प्रधानमंत्री घर बनाये के खातिर रकम जारी करे गे हावय। ओमन डॉक्टर मन ले अपील करत होइस किहिन के वो तको संवेदनशीलता के संग लोगन के इलाज करें। लोगन ल तको सरकारी योजना मन के जादा ले जादा फायदा ले के अपील करिस। ए मउका म स्थानीय जनप्रतिनिधि सहित बड़े संख्या म ग्रामीण मौजूद रिहिस।