धमतरी के गंगरेल म 5-6 अक्टूबर के जीवनदायनी महानदी के तट म होही 'जल-जगार' महोत्सव

प्रदेस म गरमी म अप्रत्याशित भू जल स्तर म होवत गिरावट ले लोगन ल जागरूक करे खातिर आने-आने गतिविधी करे जात हावयं। इही ओढ़र धमतरी जिला के गंगरेल म 5-6 अक्टूबर ल जीवनदायनी महानदी के तट म जल-जगार महोत्सव कार्यक्रम आयोजित करे जात हावय। ए कार्यक्रम म जिला के 108 अमृत सरोवर अउ परकोलेशन टैंक के पानी ले अभिषेक करे जाही। येकर संग ही लोगन ल जल संरक्षण म अपन पूरा पूरा योगदान दे बर प्रोत्साहित करे जाही।

धमतरी जिला म भू-जल स्तर बढा़ने, जल अउ पर्यावरण संरक्षण करे के दिशा म आने-आने कार्यक्रम आयोजित करे जात हावयं। जेमा जिला के परसतराई, नवागांव, थुहा सहित कई गांव के लोगन स्वेच्छा ले जल संरक्षण ल बढ़ावा दे के खातिर आगू आत हावयं। जल संरक्षण के खातिर इहां नल अउ जलाशय के आसपास जल संरक्षण सबंधी स्ट्रक्चर बनाए गे हावयं संग ही रेन वाटर हार्वेस्टिंग सिस्टम तको स्थापित करे गे हावयं। गांव के महिला मन तको जल संरक्षण के खातिर आगू आत हावयं। बिहान के महिला मन नारी शक्ति ले जल शक्ति, ग्रीन आर्मी अउ ग्रामीण महिला मन ह रैली, दीवार लेखन, प्रतियोगिता के माध्यम ले लोगन ल जागरुक करिन। ये सबो कार्यक्रम म अधिकारी-कर्मचारी मनके अलावा सामाजिक, स्वैच्छिक संगठन तको अपन योगदान दे हावयं।

धमतरी जिला के गांव परसतराई के गांव वाला ह जल अउ पर्यावरण संरक्षण के खातिर एकमत होके दलहन, तिलहन, साग सब्जी के खेती करे बर आगू आइन। उहें गांव के बेटी मन के नाम ले पेड़ के नाम रखिस, उन पेड़ म रक्षा सूत्र बांधकेे उंकर रक्षा करे के संकल्प लिस। पूरा जिला म जल संरक्षण के दिशा म कार्यक्रम आयोजित करे  गिस।