government jobs in chhattisgarh : छत्तीसगढ़ में सरकारी नौकरी, आने-आने विभाग म 1874 पद म होही भर्ती

छत्तीसगढ़ म पढे लिखे नोनी बाबू मन नौकरी के अगोरा म बुढ़ावत हाबे, बिहाव के दिन बादर दूरिहावत हाबे। महतारी बाप के सपना पूरा करे खातिर लइका मन जीव होम मेहनत करे रिहिस फेर नौकरी के मउकाच नइ मिलत रिहिस। इही बात के निराशा खाए जात रिहिस। अब आरो मिले हावय के छत्तीसगढ़ म सरकारी नौकरी फेर एक पइत मउका आवइया हाबे। सरकार कोति ले प्रदेश के उपमुख्यमंत्री अरूण साव ह सोशल मीडिया के माध्यम ले आरो करे हावय के आने—आने विभाग म कुल 1874 पद म भर्ती होही। मिले आरो के मुताबिक  युवा रोजगार अउ जनकल्याण खातिर संकल्पित छत्तीसगढ़ सरकार ह भर्ती रद्दा खोले हावय। जेमा पीएचई 181, पंचायत विभाग 237,पुलिस विभाग 341, नगर सैनिक 465, स्वास्थ्य विभाग 650 पद म भर्ती होही।