छत्तीसगढ़ शासन डहर ले महिला मन बिसेस रूप ले अनुसूचित जाति/जनजाति/अन्य पिछड़ा वर्ग अउ अल्पसंख्यक महिला मन के उत्थान बर उत्कृष्ट बुता करइया राज्य के एक महिला/अशासकीय संस्था ल हरेक साल ‘‘मिनी माता सम्मान (महिला उत्थान)’’ पुरस्कार दे जात हावय। येकर तहत एक महिला ल 2 लाख रूपिया के रकम अउ प्रशस्ति पट्टिका सम्मान के रूप म दे जाही।
आवेदन प्रपत्र क म 10 अक्टूबर 2024 तक जिला कार्यालय महिला अउ बाल विकास विभाग म प्रस्तुत करे जा सकही। मिले आवेदन ल जिला स्तरीय समिति डहर ले 2 महिला/संस्था के नाम के चयन करके सिफारिश संचालनालय महिला अउ बाल विकास ल प्रेषित करे जाही। कोनो भी रकम के समस्या/सहायता बर जिला कार्यालय महिला अउ बाल विकास विभाग म संपर्क करे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।