छत्तीसगढ़ी समाचार अनुवादक जयंत साहू
राज्यपाल रमेन डेका अउ मुख्यमंत्री विष्णु देव साय ह शिक्षक दिवस के मउका म राजभवन म गरिमामयी समारोह म साल 2023-24 के उत्कृष्ट शिक्षक मन ल राज्य स्तरीय सम्मान दीस। राज्यपाल डेका ह किहिन शिक्षक पढ़ईया मन ल बड़का सपना देखे खातिर प्रेरित अउ पूरा करे बर प्रोत्साहित करें। ओमन किहिन के शिक्षक पढ़ईया मन ल शिक्षा के संग-संग नैतिक मूल्य के तको शिक्षा देना सुनिश्चित करें।
राज्यपाल अउ मुख्यमंत्री ह साल 2023-2024 के खातिर सबो सम्मानित शिक्षक मन ल बधाई अउ सुभकामना दीस। प्रदेस के तीन महान साहित्यकार के नाम म 03 शिक्षक मन ल राज्य शिक्षक सम्मान सुरता पुरस्कार अउ 52 शिक्षक मन ल राज्य स्तरीय शिक्षक पुरस्कार ले सम्मानित करे गिस। ए मउका म मुख्यमंत्री ह राज्य शिक्षक सम्मान साल 2024-25 के खातिर चयनित 64 शिक्षक मन के नाम के घोसना करिस।
राजभवन के दरबार हॉल म आज आयोजित राज्यस्तरीय समारोह म तीन उत्कृष्ट शिक्षक मन बिलासपुर जिला के डॉ. रश्मि सिंह धुर्वे ल डॉ. पदुमलाल पुन्नालाल बख्शी सुरता पुरस्कार, कबीरधाम जिला के राजर्षि पाण्डेय ल डॉ. मुकुटधर पाण्डेय सुरता पुरस्कार अउ दुर्ग जिला के डॉ. श्रीमती सरिता साहू ल डॉ. बलदेव प्रसाद मिश्र सुरता पुरस्कार ले सम्मानित करे गिस। ए रकम ले प्रधान पाठक, व्याख्याता, व्याख्याता एल.बी., शिक्षक एल.बी., सहायक शिक्षक, सहायक शिक्षक एल.बी वर्ग के 52 शिक्षक मन ल राज्य स्तरीय शिक्षक सम्मान ले सम्मानित करे गिस।
ए गरिमामय कार्यक्रम ल संबोधित करत राज्यपाल रमेन डेका ह किहिन के गुणवत्तापूर्ण प्रतिभा के विकास म शिक्षक मन के भूमिका जरूरी हावय। शिक्षक समाज के प्रमुख नागरिक हावयं। राज्यपाल ह किहिन के आजादी के 75 साल बाद लार्ड मैकाले के शिक्षा पद्धति म बड़ा बदलाव होवत हाबेै, जेकर परिणाम तको अच्छा होही।
राज्यपाल डेका ह किहिन के आज हर क्षेत्र म क्रांति हो रेहे हावय अउ शिक्षा के क्षेत्र म तको क्रांति होत हावय। शिक्षक ए क्रांति के एक हिस्सा हावय। शिक्षक मन के पढ़ाने के तरीका बदल गे हावय, फेर ए बदलाव के संग-संग शिक्षा के गुणवत्ता म तको धियान देना होही। लइका म नैतिक मूल्य के विकास करे के जवाबदारी तको शिक्षक मन के हावय।
श्री डेका ह किहिन के माता-पिता एक लइका ल जनम देत हावयं जबकि शिक्षक वो लइका के व्यक्तित्व ल गढ़ते हावयं अउ ओला उज्ज्वल भविष्य दे करत हावयं। शिक्षा के अलावा, शिक्षक बढि़या मनखे बने के खातिर मार्गदर्शन, प्रोत्साहन अउ प्रेरणा दे के खातिर हर कदम म हमर संग खड़े रिथें। शिक्षक ज्ञान अउ बुद्धि के स्रोत हावयं। ओमन किहिन के जेन रकम ले एक देश ओतका ही अच्छा होवत हावय जतका उंकर लोग, उही रकम ले उंकर नागरिक तको उतने ही अच्छा होवत हावयं जतका उंकर शिक्षक। इही सेती बहुत कुछ शिक्षक मन म निर्भर करत हावय के लइका ल अच्छा गुणवत्तापूर्ण शिक्षा दें। मैं सबो शिक्षक मन ल उंकर जुनून, समर्पण, प्रतिबद्धता अउ योगदान के खातिर सलाम करत हवं।
राज्यपाल डेका ह किहिन के शिक्षण सबो बेवसाय के जननी हावय। शिक्षक दिन हमन ल भविष्य के पीढ़ी ल अउ तको जादा चुनौती के सामना करे अउ हमर देश ल मानव कल्याण के प्रति उच्च संवेदनशीलता के संग एक उन्नत अउ विकसित राष्ट्र बनाये के खातिर जिम्मेदारी अउ प्रतिबद्धता के सुरता देवात हावय।
मुख्यमंत्री विष्णुदेव साय ह किहिन के भारत म शिक्षक दिन के जतका उछाह अउ महत्ता हावय वैसा शायद ही कहूं अउ देखे ल नइ मिलय। भूतपूर्व राष्ट्रपति भारत रत्न सर्वपल्ली डॉ. राधाकृष्णन के जयंती ल हम सब शिक्षक दिन के रूप म मनात हावयं। साय ह किहिन के भारत देश उत्तम शिक्षा के मामला म हमेशा ले समृद्ध रिहिन हावय। गणित के क्षेत्र म शून्य भारत ह ही विश्व ल दे, आर्यभट्ट जइसे वैज्ञानिक अउ भाष्कराचार्य जइसे गणितज्ञ भारत म ही पैदा होइस। नागार्जुन जइसे रसायनज्ञ इहाँ होइस। शिक्षक मन ह देश ल हमेशा नवा दिशा देखाइस हावय। भले ही आज इंटरनेट के दुनिया म ज्ञान एक क्लिक म मौजूद हावय फेर अनुभव भरे ज्ञान, संस्कारपूर्ण शिक्षा, जिनगी जीने के कला, कौशल, उत्तम शैली के सीख सिरिफ स्कूल मन म शिक्षक मन के जरिए ही संभव हावय। भारत के प्रधानमंत्री नरेंद्र मोदी ह येकर जरूरत ल समझा अउ राष्ट्रीय शिक्षा नीति-2020 लेके आए। ए नीति के माध्यम ले हमर शिक्षा म आमूलचूल बदलाव के संभावना तइयार होए हावय, जेमा लोकल ले वोकल तक के ज्ञान, सीख अउ समझ के समावेश करे गे हावय।
मुख्यमंत्री साय ह किहिन के राष्ट्रीय शिक्षा नीति ल हमन प्रदेस म तको लागू करके दे हावय। राष्ट्रीय शिक्षा नीति के तहत हमन प्रदेस म 9438 बालवाड़ियाँ सुरू के हावयं। हमन 18 स्थानीय भाषा म पढ़ाई के शुरुआत के हावय। येकर खातिर किताबें बनाये हावयं अउ शिक्षक एला पढ़ा रिहिन हावयं। ये लइका के नेव तइयार करे म काफी जरूरी हावय। शिक्षा ले नक्सलवाद के अँधियारा छँटने ले बस्तर म अब शिक्षा के रोशनी तको तेजी ले फैल रेहे हावय। बस्तर म साल ले बंद 29 स्कूल ल फेर सुरू करे गे हावय।
मुख्यमंत्री साय ह किहिन के आधुनिक समय एआई अउ रोबोटिक्स के हावय। हमर लइका तको एमे पाछु नइ रइही। हमन आदिवासी क्षेत्र के लइका के खातिर तको स्कूल म रोबोटिक्स अउ एआई के शिक्षा सुरू करके दीस हावय। नक्सल प्रभावित जिला के लइका ल उच्च शिक्षा के खातिर हम बिना ब्याज के शिक्षा करजा दे रिहिन हावयं। हमर सबले जादा धियान कौशल विकास म हावय। छोटे-छोटे ट्रेड म लइका ल थोड़ा तको प्रशिक्षित करके दें, त उंकर खातिर बढि़या भविष्य के रसता खुल जात हावय। हम हाइटेक स्कूल तइयार करके रिहिन हावयं। प्रदेस म पीएम योजना के ले 211 स्कूल के सुरू करे गे हावय। येकर अलावा 52 स्कूल के अउ मंजूरी मिल गे हावय। इहाँ गुणवत्तायुक्त शिक्षा लइका ल मौजूद कराइन हावय। हमर सरकार ह 13 नगरीय निकाय म नालंदा के रकम ले हाइटेक लाइब्रेरी के स्थापना के फइसला लिस हावय।
मुख्यमंत्री साय ह किहिन के हमर सरकार ह स्कूल म न्योता भोज के तको पहल के हावय, येकर ले सामुदायिक सहयोग ले स्कूल म लइका ल रूचिकर पोषण भोजन मिल रिहिन। ए मउका म स्कूल शिक्षा सचिव सिद्धार्थ कोमल परदेशी ह स्वागत उद्बोधन के संग प्रतिवेदन के वाचन करिन। आभार प्रदर्शन संचालक लोक शिक्षण श्रीमती दिव्या उमेश मिश्रा ह करिन। स्कूल शिक्षा सचिव सिद्धार्थ कोमल परदेशी ह राज्यपाल डेका अउ मुख्यमंत्री साय ल सुरता चिनहा स्वरूप पुस्तक भेंट करिस।
कार्यक्रम म आयुक्त जनसंपर्क मयंक श्रीवास्तव, राज्यपाल के विधिक सलाहकार भीष्म प्रसाद पाण्डेय, समग्र शिक्षा के प्रबंध संचालक संजीव झा, राज्यपाल के समिलहा सचिव श्रीमती हिना अनिमेष नेताम सहित स्कूल शिक्षा विभाग के अधिकारी, शिक्षक, पत्रकारगण मौजूद रिहिस।
राज्य शिक्षक सम्मान पुरस्कार 2024-25 के खातिर 64 शिक्षक मन के नाम
रायपुर जिला के प्रधान पाठक गोपाल राम यादव अउ सहायक शिक्षक एलबी श्रीमती कामिनी साहू, धमतरी जिला के सहायक शिक्षक एलबी कुमारी प्रीति सांडिल्य अउ प्रधान पाठक श्रीमती किरण साहू, सारंगढ़-बिलाईगढ़ जिला के प्रधान पाठक श्रीमती प्रियंका गोस्वामी अउ सहायक शिक्षक एलबी समय लाल काठे, राजनांदगांव के प्राचार्य डॉ. शोभा श्रीवास्तव अउ प्रधान पाठक मुन्हेलाल लिल्हारे, दंतेवाड़ा के प्रधान अध्यापक श्रीमती सुमन जार्ज अउ सहायक शिक्षक एलबी श्रीमती सुनिसता अजीत, कबीरधाम के व्याख्याता रमेश कुमार चंद्रवंशी अउ व्याख्याता श्रीमती कामिनी जोशी, सरगुजा के शिक्षक श्रीमती बंदना महथा अउ व्याख्याता श्रीमती अनिता मंदिलवार, नारायणपुर के शिक्षक एलबी उमेश कुमार सलाम अउ प्रधान अध्यापक सुश्री सविता यादव, जशपुर के प्रधान पाठक श्रीमती सरिता नायक अउ प्रधान पाठक प्रवीण कुमार पाठक, कोरिया के व्याख्याता अमृत लाल गुप्ता अउ जेल शिक्षक श्रीमती विवेक सिद्धकी, मनेन्द्रगढ़-चिरमिरी-भरतपुर के व्याख्याता एलबी राजेश कुमार द्विवेदी अउ प्रधान पाठक श्रीमती मीना जायसवाल, खैरागढ़-छुईखदान-गंडई के प्रधान अध्यापक किशोर कुमार शर्मा अउ सहायक शिक्षक एलबी राजेश कुमार प्रजापति, मोहला-मानपुर-अंबागढ़ चौकी के प्रधान पाठक श्रीमती संझा साहू अउ व्याख्याता एलबी संजय देवांगन, बलरामपुर-रामानुजगंज के शिक्षक एलबी श्रीमती चंद्रमुखी मेहता, दुर्ग के शिक्षक एलबी नरोत्तम कुमार साहू अउ शिलक एलबी श्रीमती खेमलता गोस्वामी, कोरबा के शिक्षक एलबी श्रीमती मधुलिका अउ प्रधान पाठक श्रीमती प्रिया दुबे, सूरजपुर के प्रधान पाठक रंजय कुमार सिंह अउ व्याख्याता एलबी प्रदीप कुमार जायसवाल, बलौदाबाजार-भाटापारा के शिक्षक एलबी मोहन लाल वर्मा अउ व्याख्याता एलबी जगदीश साहू, मुंगेली के व्याख्याता एलबी श्रीमती दुर्गा तिवारी अउ सहायक शिक्षक एलबी श्रीमती सुधारानी शर्मा, कोण्डागांव के प्रभारी प्राचार्य मनोज कुमार डड़सेना शिक्षक एलबी शिवचरण साहू, रायगढ़ के सहायक शिक्षक एलबी टिकेश्वर प्रसाद पटेल प्रधान पाठक नंद किशोर सतपथी, सुकमा के सहायक शिक्षक श्रीमती अंजु बारसे अउ शिक्षक एलबी गांगाधर राना, गरियाबंद के सहायक शिक्षक एलबी खोमन लाल सिन्हा अउ शिक्षक एलबी श्रीमती दिप्ती मिश्रा, सक्ती के शिक्षक एलबी संजीव कुमार सूर्यवंशी अउ सहायक शिक्षक एलबी श्रीमती नीरा साहू, बालोद के व्याख्याता एलबी नरोत्तम कुमार यदु अउ व्याख्याता एलबी सुश्री एनुका शार्वा, जांजगीर-चांपा के व्याख्याता अमृत लाल साहू अउ व्याख्याता एलबी श्रीमती प्रतिक्षा सिंह, बेमेतरा के शिक्षक एलबी श्रीमती सुनिता राजपूत अउ शिक्षक एलबी श्रीमती केवरा सेन, महासमुंद के व्याख्याता एलबी जगदीश सिन्हा अउ व्याख्याता डॉ.ज्योति किरण चंद्राकर, बिलासपुर के व्याख्याता एलबी श्रीमती शांति सोनी अउ प्रधान पाठक शिव कुमार छत्रवाणी, बस्तर के व्याख्याता श्रीमती सईदा खान अउ व्याख्याता श्रीमती देवश्री गोयल, उत्तर बस्तर कांकेर के व्याख्याता मती कुसुम जैन, गौरेला-पेण्ड्रा-मरवाही के प्राचार्य श्रीमती आरती तिवारी अउ प्रधान पाठक एलबी कुमारी साबरा निशा, बीजापुर जिला के प्रधान पाठक जगदीश्वर तोरेंम अउ व्याख्याता एलबी अरूण कुमार सिंह के नामों के विधिवत् घोसना करिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।