भाई भाई फिल्म प्रोडक्शन अउ श्रद्धा सिनेमा प्रोडक्शन के बैनर तरि बने छत्तीसगढ़ी फिल्म आखरी फैसला 13 सिंतबर 2024 के सिनेमाघर म रिलीज होही। दर्शक मन खातिर सोशल मीडिया म गाना अउ ट्रेलर पहिली ही रिलीज होगे हावय जेला लोगन बहुत मन करत हाबे। फिलिम के निर्माता हे यामिनी गणपति देवांगन अउ निर्देशक आदिश कश्यप हावय।
छत्तीसगढ़ी सिनेमा म जबरदस्त चैलेजिंग किरदार के संग अभिनेता रवि साहू बतौर हीरो 'आखरी फैसला' म फेर एक पइत नजर आही। छॉलीवुड म रवि साहू कोनो नवा नाम नोहय, उंकर झोली म दर्जनों हिट फिलिम हाबे। बताये जाथे के आखरी फैसला म उंकर संग दीक्षा जायसवाल अउ सोनाली सहारे हावय। आखरी फैसला म स्थानीय कलाकार मनके अलावा बॉलीवुड के कई नामचीन कलाकार मन तको हाबे।
फिलिम के कहानी का किथे येला तो आप सिनेमाघर म जाके देखहू तभे मजा आही। बहरहाल नाम अउ कलाकार मनके चयन ल देखे जाए तो बहुत जबरदस्त हावय, एक्शन के संग सुघ्घर मया-पिरित ले गुथाए कहानी देखे बर मिलही। जेन मन ल तिहार के सिजन म अइसन फिलिम के आगोरा रिहिस, जे भरपूर मनोरंजन देवय तो उंकर अगोरा के दिन पुरगे। 13 सितंबर 2024 ले रिलीज होवइया आखरी फैसला के टाकीज लिस्ट आगे हावय, अपन तिर के सिनेमाघर म जाके तुरते टिकट बूक कराव।
- फिल्म: आखरी फैसला
- निर्माता: यामिनी गणपति देवांगन, डीके देवांगन
- निर्देशक: आदिश कश्यप
- कलाकार: रवि साहू, दीक्षा जायसवाल, सोलानी सहारे, प्रदीप शर्मा, अखिलेश वर्मा, क्रांति दिक्षित, अमित चक्रवर्ती, नरेन्द्र चंदेल, संतोष राठौर, सुनील दत्त मिश्रा, महावीर सिंह चौहान आदि।
- पटकथा व संवाद: योगेश देवांगन
- संगीत: ओम परमानंद वैष्णव
- गीत: ओम परमानंद वैष्णव, नीलम पैंकरा
- असिस्टेन्ट डॉयरेक्टर: सलीम अंसारी
- कोरियोग्राफर: संजू तांडी, नंदू तांडी
- स्वर: अनुराग शर्मा, सुनील सोनी, ओम परमानंद वैष्णव, अनुपमा मिश्रा, कंचन जोशी, सुनीता वस्त्रकार
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।