एन माही फिल्म प्रोडक्शन के बैनर तरि बने छत्तीसगढ़ी फिल्म 'चंदा मामा' 4 अक्टूबर 2024 ले प्रदेश के सिनेमाघर म रिलीज होही। चंदा मामा के निर्माता हाबे मोहित साहू अउ येकर निर्देशन करे हे अभिषेक सिंह ह। अहम किरदार के बात करे जाए तव येमा दिलेश साहू, दीया वर्मा, अंजलि ठाकुर, अनिरुद्ध ताम्रकार, जीत शर्मा, धर्मेंद्र चौबे, संजू साहू, उषा विश्वकर्मा, शमशेर सिवानी, बाबा ठाकुर, जागेश्वरी मेश्राम, आनंद साहू, अंश, जयराम भगवानी, नेहा शर्मा अउ घनश्याम वर्मा हावय।
चंदा मामा के कहानी लिखे हावय निर्माता मोहित साहू ह जेमा सुनील श्रीवास्तव के धरदार संवाद के बानगी देखे बर मिलही। गीत-संगीत हावय मोनिका वर्मा अउ तोषांत कुमार के, जेला म अपन मधुर आवाज म गाये हावय सुनील सोनी, मनिका वर्मा, तोशांत कुमार, चंपा निशाद, शुभम साहू, विहान जंघेल, तारू साहू मन ह।
पिक्चर के रिलीज के आधिकारिक घोसना के संग ही सोशल मीडिया म प्रचार अउ प्रमोशन के दौर चलत हाबे। सोशल मीडिया म देखे जाए तो एन माही फिल्म प्रोडक्शन के सबो फिलिम के बनेच जोर रिथे अउ वो मुताबिक फिल्म बाक्स आफिस म अपन कमाल तको देखाथे। बताये जाथे के चंदा मामा 4 अक्टूबर 2024 के रिलीज होही। मउका रही शारदीय नवरात्रि के जेन 3 अक्टूबर ले 12 अक्टूबर तक होही। येकर बाद दशहरा, देवारी अउ मातर मड़ई के गांव-गांव म उल्लास देखे बर मिलही। ये बीच चंदा मामा के प्रदर्शन ह लोगन के उमंग ल दूगुना करे के बुता करही। चारो मुड़ा के सिनेमाघर म तिहरहा उच्छाह ल ममा भाजा के आरूग मया के मार्मिक कहानी ल देखे मउका मिलही।
छत्तीसगढ़ म अपन भांचा के पांव परे के परंपरा हावय, ये अउ कोना दूसर प्रदेश के लोगन म देखे बर नइ मिले। भांचा-भांजी उमर म छोटे राहय चाहे बड़े ममा-मामी मन उंकर पांव परथे। अइसन विश्व विख्यात रीत के सिनेमा म मार्मिक कहानी के संग आप सबो ल येकर पाछू के मरम तको जाने बर मिलही। हमर छत्तीसगढ़ म माता कौशिल्या के मइके आए तव भगवान राम जी ह नता म भांचा आए। अइसन रीत के संग अउ बहुत कुछ देखे मिलही आप मनला छत्तीसगढ़ी फिल्म चंदा मामा म।
चंदा मामा के गाना अउ ट्रेलर मन सोशल मीडिया म आ चूके हावय। लोगन मन बहुत पसंद घलो करत हाबे, अब अगोरा हे 4 अक्टूबर 2024 के जब सिनेमाघर म रिलीज होही। तो देखे बर झन भुलाहू..., भांचा-भांची, दीदी-भांटो, ममा-मामी सबो आहू।
- Film - Chanda Mama
- Production - N Mahi Films Production
- Producer - Mohit Kumar Sahu
- Story - Mohit Kumar Sahu
- Dailogue - Sushil Shrivastav
- Director - Abhishek Singh
- Associate Director - Himanshu Verma
- Chief Asst. Director - Sushil Shrivastav
- Asst.Director - Rajan Prabhakar, Arvind Soni, Govind Mahato
- DOP - Manmohan Tiwari
- Focus Pooler - Dinesh Jaiswal
- Choreographer - Manoj Deep
- Cast - Dilesh Sahu, Diya Verma, Anjali Thakur, Aniruddha Tamrakar, Jeet Sharma, Dharmendra Choubey, Sanju Sahu, Usha Vishvakarma, Shamsher Siwani, Baba Thakur, Jageshwari Meshram, Anand Sahu, Ansh, Jairam Bhagwani, Neha Sharma, Ghanshyam Verma
- Production Manager - Vinod Sharma, Basant Puri, Pankaj Yadav, Dadu
- Lyrics - Monika Verma, Vishnu Kothari, Toshant Kumar
- Music - Toshant Kumar, Monika Verma
- Music Arranger - Prafull Behara Cuttak
- Singer - Sunil Soni , Mnika Verma ,Toshant Kumar , Champa Nishad , Shubham Sahu , Vihan Janghel , Taru Sahu
- BGM Folli - Manohar Yadav
- Mixing and Mastering 5.1 - Milan Studio Cuttak
- Editor - Gaorang Trivedi, Ashok Hiyal
- Asst. Editor - Tushar Thakur
- DI - Hummingbird VFX Mumbai
- VFX - Praveer Das
- Make-up - Vilas Rout, Krishna
- Art - Toman, Ashok Gour
- Fight Master - Madhusudhan( Madhu Anna) Hyderabad , Sanju Yadav
- Graphics -Mandal Studio Raipur
- Post Production - Adya Film Studio Raipur
- Sound Design - Pratiksha Waves
- Film Distributor - Maa Films (Trun Soni)
- Youtube Manager - Bhawesh Kumar Sahu,Ashok Hiyal
unofficial credit - official social media
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।