छत्तीसगढ़ी समाचार अनुवादक जयंत साहू
- 32,000 प्रधानमंत्री आवास योजना-ग्रामीण (पीएमएवाई-जी) के लाभार्थी मन ल मंजूरी पाती बांटे गिस अउ 32 करोड़ रूपिया के सहायता के पहिली किस्त जारी करिस
- झारखंड म भारत के सबले समृद्ध राज्य बने के क्षमता हावय, हमर सरकार विकसित झारखंड अउ विकसित भारत के खातिर प्रतिबद्ध हावय
- सबके संग, सबो के विकास' के मंत्र ह देश के सोच अउ प्राथमिकता ल बदला हावय
- पूर्वी भारत म रेल संपर्क के विस्तार ले पूरा क्षेत्र के अर्थव्यवस्था ल बढ़ावा मिलही
- देश भर म आदिवासी भाई-बहनों के खातिर पीएम जनमन योजना चलाये जात हावय
प्रधानमंत्री नरेन्द्र मोदी ह वीडियो कॉन्फ्रेंसिंग के ज़रिए झारखंड के टाटानगर म 660 करोड़ रूपिया ले जादा के आने-आने रेलवे परियोजना के शिलान्यास करिन अउ ओला राष्ट्र ल समर्पित करिन। ओमन प्रधानमंत्री आवास योजना-ग्रामीण (पीएमएवाई-जी) के 32 हजार लाभार्थी मन ल मंजूरी पाती तको बांटे गिस। येकर ले पहले, मोदी ह वीडियो कॉन्फ्रेंसिंग के ज़रिए टाटानगर जंक्शन रेलवे स्टेशन म छह वंदे भारत रेल ल हरियर झंडी दिखाईस।
प्रधानमंत्री ह अपन संबोधन के शुरुआत बाबा बैद्यनाथ, बाबा बासुकीनाथ अउ भगवान बिरसा मुंडा के धरती ल नमन करे के संग करिस। ओमन झारखंड म कर्म परब के पबरित मउका के तको उल्लेख करिन, जेला प्रकृति के पूजा के खातिर समर्पित माने जाथे। संग ही ओमन आज रांची हवाई अड्डे म उंकर खातिर करे गे स्वागत के कुछ तको जानकारी तको दीस, जिहां एक महिला ह ओला कर्म परब के चिन्हारी भेंट करिन। ओमन किहिन के कर्म परब के तहत महिला मन अपन भाइ के सुखी जिनगी के कामना करत हावयं।
ए मउका म अपन सुभकामना देत होइस प्रधानमंत्री ह किहिन के आज झारखंड ल छह नवा वंदे भारत ट्रेनों, 600 करोड़ रूपिया ले जादा के विकास परियोजना अउ पीएम घर योजना के तहत राज्य के लोगन के खातिर पक्का घर के सौगात मिले हावय। मोदी ह ये परियोजना के खातिर झारखंड के लोगन अउ ये वंदे भारत रेल के माध्यम ले कनेक्टिविटी पाये वाला आन राज्य ल तको बधाई दीस।
उस समय ल सुरता होइस, जब आधुनिक विकास सिरिफ कुछ राज्य तक ही सीमित रिहिस अउ झारखंड जइसे राज्य पाछु छूट गे रिहिस, प्रधानमंत्री ह किहिन के, 'सबके संग सबो के विकास' के मंत्र ह देश के सोच अउ प्राथमिकता ल बदल दे हावय। प्रधानमंत्री ह कहिन, देश के प्राथमिकता गरीब, आदिवासी, दलित, वंचित, महिला, युवा अउ किसान हावयं।
प्रधानमंत्री ह किहिन के आज हर राज्य अउ हर शहर, संपर्क बेवस्था ल अउ मज़बूत करे के खातिर वंदे भारत रेल चाहत हावय। ओमन कुछ दिन पहिली उत्तर अउ दक्षिण भारत के राज्य के खातिर तीन नवा वंदे भारत रेल ल हरियर झंडी दिखाये के मउका ल सुरता करिन अउ आज छह नवा वंदे भारत रेल ल हरियर झंडी दिखाये के उल्लेख करिन, जेन पहिली ही अपन यात्रा सुरू करके चुके हावयं।
प्रधानमंत्री मोदी ह किहिन के पूर्वी भारत म रेल कनेक्टिविटी के विस्तार ले क्षेत्र के अर्थव्यवस्था मजबूत होही अउ व्यवसाय, पेशेवर अउ पढ़इया लइका ल काफी फायदा होही। छह नवा वंदे भारत रेल के चले ले सांस्कृतिक गतिविधी म होए वाला बढ़ोत्तरी के ज़िक्र करत प्रधानमंत्री ह किहिन के भारत अउ दुनिया ले बड़का संख्या म काशी आने वाला तीर्थयात्री मनला अब वाराणसी-देवघर वंदे भारत रेल के शुरु होए से, देवघर म बाबा बैद्यनाथ के दरसन करे के तको मउका मिलही।
ओमन किहिन के येकर ले क्षेत्र म पर्यटन ल बढ़ावा मिलही अउ टाटानगर के औद्योगिक विकास ल तको बढ़ावा मिलही, जेकर ले युवा मन के खातिर रोजगार के नवा मउका पैदा होही। मोदी ह आज आने-आने विकास परियोजना के तनि धियान आकर्षित करत होइस किहिन के, तेज़ गति ले विकास के लिए, आधुनिक रेलवे बुनियादी नेव गजब जरूरी हावय। ओमन देवघर जिला म मधुपुर बाई पास लाइन के आधारशिला रखे के उल्लेख करिन, जेकर ले हावड़ा-दिल्ली मेनलाइन म रेल के रुकावट ले बांचे म मदद मिलही अउ गिरिडीह अउ जसीडीह के बीच यात्रा समय ल कम करे म तको मदद मिलही। ओमन हज़ारीबाग़ जिला म हज़ारीबाग़ टाउन कोचिंग डिपो के तको ज़िक्र करिन, जेन ए स्टेशन म कोचिंग स्टॉक के रखरखाव के सुविधा म मदद करही। ओमन किहिन के कुरकुरा-कानारोन लाइन के दोहरीकरण ले झारखंड म रेल संपर्क ल बढ़ावा मिलही अउ इस्पात उद्योग के कनेक्टिविटी मजबूत होही।
प्रधानमंत्री ह ए बात म ज़ोर दीस के केंद्र ह झारखंड के समग्र प्रगति अउ विकास सुनिश्चित करे के खातिर निवेश बढ़ाये के संग विकास बुता के गति तको बढ़ावा दीस हावय। मोदी ह किहिन के ए साल के बजट में, राज्य के रेलवे बुनियादी नेव ल मजबूत करे के खातिर झारखंड ल 7,000 करोड़ रूपिया ले जादा के मंजूरी दीस गे, जेन 10 साल पहिली आवंटित बजट के तुलना म 16 गुना जादा हावय। ओमन लोगन ल रेलवे बजट बढ़ाये के फायदा के बारे म तको बताइन- चाहे वो ह नवा लाइन के विकास हो या लाइन के विद्युतीकरण या लाइन के दोहरीकरण या स्टेशन म नवा बुनियादी नेव के विकास हो, हर क्षेत्र म काम तेजी ले चल रिहिन हावय। मोदी ह झारखंड के, उन राज्य म ले एक होए के खातिर बढ़ई करिस, जिहां रेलवे लाइन 100% विद्युतीकृत हावयं। मोदी ह खास तौर म ए बात के ज़िक्र करिन के अमृत भारत रेलवे स्टेशन योजना के तहत झारखंड म 50 ले जादा रेलवे स्टेशन के कायाकल्प करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।