आतिशी मार्लेना ह दिल्ली के मुख्योमंत्री पद के शपथ। दिल्ली के मुख्यमंत्री पद ले अरविंद केजरीवाल के इस्तीफा दे के बाद सनिच्चर के दिन आतिशी मार्लेना ह मुख्यमंत्री पद के शपथ लीस। आतिशी मार्लेना सबसे युवा मुख्य्मंत्री अउ दिल्ली के तीसरइया महिला मुख्य्मंत्री के बने हावय।
आतिशी मार्लेना के जीवनी
आतिशी मार्लेना सिंह के जन्म 8 जून 1981 के होइस ओमन ल लोगन मन आतिशी सिंह, आतिशी मार्लेना या आतिशी के नाम जानथे। ओमन एक भारतीय राजनीतिज्ञ हावय, जेन आम आदमी पार्टी ले जुरे हावय। आतिशी ह 21 सितंबर 2024 के दिल्ली के 8वीं मुख्यमंत्री के रूप म बुता करत हावय। येकर पहिली आम आदमी पार्टी म राजनीतिक मामल के समिति के सदस्य अउ अरविंद केजरीवाल के सरकार म शिक्षा, लोक निर्माण विभाग (पी.डब्ल्यू.डी), संस्कृति अउ पर्यटन रेहे हावय।
शपथ ले के बाद आतिशी कहिस-
‘दिल्ली के मुख्यमंत्री के तौर म शपथ ग्रहण के बाद आतिशी ह जनता ले अगले चुनाव म एक बार फेर अरविंद केजरीवाल ल चुने के अपील करे हावय। ओमन किहिन के अगर अरविंद केजरीवाल ल नइ चुना गिस, त भाजपा दिल्ली के जनता के हाल बुरा कर देही, नी ओला मुफ्त बिजली मिलही अउ नी ही मुफ्त पानी। अरविंद केजरीवाल मोर बड़े भाई हावयं, गुरु हावयं।‘
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।