छत्तीसगढ़ राज्य 27वीं अखिल भारतीय वन खेल प्रतियोगिता 2024 के गौरवपूर्ण मेज़बान बनत हावय। ए प्रतिष्ठित खेल प्रतियोगिता के आयोजन भारत सरकार के पर्यावरण, वन अउ जलवायु बदलाव मंत्रालय के तत्वावधान म रायपुर म 16 ले 20 अक्टूबर 2024 तक आयोजित करे जाही। छत्तीसगढ़ के खातिर ये आयोजन एक जरूरी मउका हावय, जेन राज्य के खेल प्रतिभा अउ वन विभाग के उत्कृष्ट प्रयास ल प्रदर्शित करही।
समापन समारोह म पेरिस ओलंपिक 2024 के पदक विजेता अउ विश्वप्रसिद्ध निशानेबाज मनु भाकर के उपस्थिति होही
ए खेल महोत्सव म देशभर ले वन विभाग के खिलाड़ी आने-आने खेल प्रतिस्पर्धा म भाग लेही। प्रतियोगिता के मुख्य आकर्षण 20 अक्टूबर ल आयोजित समापन समारोह म पेरिस ओलंपिक 2024 के पदक विजेता अउ विश्वप्रसिद्ध निशानेबाज मनु भाकर के उपस्थिति होही, जेन खिलाड़ी मन के हौसला बढ़ाही।
मुख्यमंत्री विष्णु देव साय अउ वन मंत्री केदार कश्यप के अगुवई म राज्य के तइयारी जोर-शोर ले चलत हावय। प्रधान मुख्य वन संरक्षक अउ वन बल प्रमुख व्ही. श्रीनिवास राव अउ नोडल अधिकारी श्रीमती शालिनी रैना के निर्देशन म राज्य के खिलाड़ी पेशेवर कोचों के देखरेख म कड़ी मेहनत करत हावयं। वन परिसर पंडरी, रायपुर म खिलाड़ी मन के खातिर उच्चस्तरीय घर अउ पौष्टिक भोजन के समुचित बेवस्था करे गे हावय, ताकि वो अपन फिटनेस बनाए रख सकें अउ सर्वाेत्तम प्रदर्शन कर सकें।
छत्तीसगढ़ के टीम ल ए प्रतियोगिता म आने-आने राज्य अउ संस्थान के खिलाड़ी मन ले कड़ी प्रतिस्पर्धा के सामना करे पड़ही, जेकर खातिर टीम पूरा रकम ले प्रेरित अउ आत्मविश्वास ले परिपूर्ण हावय। छत्तीसगढ़ के प्रमुख खिलाड़ी मन म अंतरराष्ट्रीय बैडमिंटन खिलाड़ी संगीता राजगोपालन के नाम बिसेस उल्लेखनीय हावय, जेन मन राज्य के खातिर 100 ले जादा स्वर्ण पदक जीत के गौरव बढ़ाये हावय। अरुण प्रसाद, आईएफएस अउ जगदीशन, आईएफएस, के अगुवई म खेल चुके छत्तीसगढ़ के बास्केटबॉल टीम पाछु नौ टूर्नामेंट म अविजित रेहे हावय। इही प्रकार, राज्य के क्रिकेट टीम ह तको सरलग सात प्रतियोगिता जीत के अपन श्रेष्ठता साबित कर चुके हावय। ए साल तको ये टीम के खिलाड़ी मन ले शानदार प्रदर्शन के आस करे जात हावय।
राज्य के खिलाड़ी ए साल तको उच्च मनोबल अउ आत्मविश्वास के संग ए प्रतिष्ठित प्रतियोगिता म हिस्सा लेही। छत्तीसगढ़ ल अपन खिलाड़ी मन ले शानदार प्रदर्शन अउ एक अउ सफल अध्याय जोड़े के पूरा उम्मीद हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।