राजधानी रायपुर के स्वामी विवेकानंद एथलेटिक स्टेडियम कोटा म छत्तीसगढ़ के मेजबानी म आयोजित अखिल भारतीय वन खेलकूद प्रतियोगिता के समापन समारोह 20 अक्टूबर संझा 4 बजे ले होही। समापन कार्यक्रम म माई पहुना के रूप म छत्तीसगढ़ विधानसभा के अध्यक्ष डॉ. रमन सिंह सामिल होही। कार्यक्रम के अध्यक्षता वन अउ जलवायु बदलाव मंत्री केदार कश्यप करही। आदिम जाति अउ किसान कल्याण मंत्री रामविचार नेताम अउ उत्तराखण्ड तकनीकी शिक्षा मंत्री सुबोध उनियाल, रायपुर लोकसभा के सांसद बृजमोहन अग्रवाल, पहिली मंत्री अउ रायपुर पश्चिम के विधायक राजेश मूणत, रायपुर उत्तर के विधायक पुरंदर मिश्रा, रायपुर ग्रामीण के विधायक मोती लाल साहू अउ भारत सरकार म वन, पर्यावरण अउ जलवायु बदलाव विभाग के वन महानिदेशक अउ बिसेस सचिव जितेन्द्र कुमार, छत्तीसगढ़ शासन के मुख्य सचिव अमिताभ जैन, पुलिस महानिदेशक अशोक जुनेजा, भारतीय निशानेबाज अउ ओलम्पिक पदक विजेता सुश्री मनु भाकर समापान कार्यक्रम म खास पहुना के रूप म सामिल होही। कार्यक्रम म उत्कृष्ट खिलाड़ी, उत्कृष्ट बुता करइया अधिकारी मन अउ विजेता खिलाड़ी मन ल सम्मानित करे जाही।
जानबा होवय के छत्तीसगढ़ के मेजबानी म चार साल बाद 27वीं ऑल इंडिया फॉरेस्ट स्पोर्ट्स मीट म 26 खेल के 300 विधा मन म प्रतियोगिता होइस। ये प्रतियोगिता 16 ले 20 अक्टूबर तक राजधानी के 16 आने-आने खेल मैदान म होइस। एमे देशभर ले 2920 खिलाड़ी भाग लिये। जेमा 2331 पुरुष अउ 585 महिला खिलाड़ी सामिल होइस। जानबा होवय के छत्तीसगढ़ के टीम अब तक 11 बार ओवरऑल चैम्पियनशिप के खिताब जीत चुके हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।