छत्तीसगढ़ी समाचार अनुवादक जयंत साहू
छत्तीसगढ़ शासन खेल अउ युवा कल्याण विभाग के निर्देश के मुताबिक नवम्बर म बस्तर ओलंपिक के आयोजन करे जाना हावय, जेकर खातिर पंजीयन 20 अक्टूबर 2024 तक ऑनलाईन अउ ऑफलाईन माध्यम ले करे जाना करार हावय। 01 ले 10 नवंबर के बीच विकासखण्ड स्तरीय बस्तर ओलंपिक खेल प्रतियोगिता आयोजन करे जाही। एकर बर विकासखण्ड नारायणपुर अउ ओरछा म विकासखण्ड स्तरीय बस्तर ओलंपिक खेल प्रतियोगिता बर समिति गठित करे गे हावय।
विकासखण्ड नारायणपुर बर अनुविभागीय अधिकारी राजस्व वासु जैन ल अध्यक्ष, अनुविभागीय अधिकारी पुलिस ल सदस्य, मुख्य कार्यपालन अधिकारी जनपद पंचायत एलएन पटेल ल सदस्य सचिव अउ खण्ड शिक्षा अधिकारी, मण्डल संयोजक आदिवासी विकास, खण्ड स्त्रोत समन्वयक, मुख्य नगरपालिका अधिकारी, सहायक क्रिड़ा अधिकारी रामसाय वड्डे अउ क्रिड़ा अधिकारी सरकारी आवासीय माध्यमिक स्कूल नारायणपुर सावन कुमार ल सदस्य नियुक्त करे गे हावय।
इही रकम ले विकासखण्ड ओरछा बर अनुविभागीय अधिकारी राजस्व ओरछा अभयजीत मण्डावी ल अध्यक्ष, अनुविभागीय अधिकारी पुलिस ओरछा ल सदस्य, मुख्य कार्यपालन अधिकारी जनपद पंचायत ओरछा ल सदस्य सचिव अउ खण्ड शिक्षा अधिकारी, मण्डल संयोजक आदिवासी विकास, खण्ड स्त्रोत समन्वयक, सहायक क्रिड़ा अधिकारी रामसाय वड्डे अउ खेल अनुदेशक सरकारी उच्च्तर माध्यमिक स्कूल ओरछा ल सदस्य नियुक्त करे गे हावय। विकासखण्ड स्तरीय बस्तर ओलंपिक 2024 के आयोजन मुख्य कार्यपालन अधिकारी जिला पंचायत अउ खेल अधिकारी खेल अउ युवा कल्याण विभाग नारायणपुर के समन्वय ले करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।