भव्या कोटडिया अउ भविषा कोटडिया ले मुख्यमंत्री विष्णु देव साय के भेट

6 साल के भव्या कोटडिया ल अविष्कारक अउ 3 साल के भविषा कोटडिया ल 100 देश के राजधानी के नाम सुरता हावय

मुख्यमंत्री विष्णु देव साय ले उंकर निवास कार्यालय म 6 साल के भव्या अउ 3 साल के भविषा कोटडिया अपन माता-पिता के संग मुलाकात करिस। भव्या ल अविष्कारक मनके नाम अउ 3 साल के भविषा ल 100 देश के राजधानी के नाम कंठस्थ हावय। भव्या के नाम आविष्कार के नाम सुनके उंकर अविष्कारक के नाम सबले तेजी ले बताये के वर्ल्ड रिकॉर्ड ऑफ़ एक्सीलेंस दर्ज हावय, 1 मिनट 35 सेकंड म 50  अविष्कारक के नाम बताकेे ये उपलब्धि हासिल करे हावय। 

इही रकम ले भविषा के नाम 2 मिनट 21 सेकंड म 100 देश के राजधानी के नाम बताये के रिकॉर्ड वर्ल्डवाइड बुक ऑफ़ रिकार्ड्स म दर्ज हावय। मुख्यमंत्री विष्णु देव साय ह ये नन्ही बेटी मन के अतका छोटे उमर म मिले ए बड़का उपलब्धि के खातिर उंकर बड़ई करिस अउ उंकर उज्जवल भविष्य के खातिर आशीर्वाद दीस। ये लइका मन के पिता गौरव कोटडिया ह मुख्यमंत्री साय ल अपन बेटी मन के उपलब्धि के जानकारी देत उंकर परमान पाती अउ मेडल दिखाइस। ए मउका म लइका मन के महतारी श्रीमती नमिता कोटडिया तको मौजूद रिहिस।