02 अक्टूबर ले लेके 31 मार्च 2025 तक मिलही छत्तीसगढ़ म खादी कपड़ा के खरीद म 25% के बड़का छूट

छत्तीसगढ़ म खादी कपड़ा के खरीद म 25% के बड़का छूट मिलही। मुख्यमंत्री विष्णु देव साय ह गांधी जयंती के मउका म ये बड़का घोसना करिस। मुख्यमंत्री राजधानी रायपुर के पंडित दीनदयाल उपाध्याय ऑडिटोरियम म आयोजित खादी अउ ग्रामोद्योग विभाग के प्रदर्शनी के अवलोकन करे के बाद पत्रकार वार्ता ल संबोधित करत रिहिस। मुख्यमंत्री ह ए बखत स्थानीय बुनकरों डहर ले तइयार गोदना आर्ट वाला कोसा के साड़ी तको खरीदीस।

मुख्यमंत्री साय ह किहिन के 02 अक्टूबर ले लेके 31 मार्च 2025 तक खादी कपड़ा के खरीद म प्रदेसवासी ल 25% के बड़का छूट मिले मिलही। ओमन प्रदेसवासी ले खादी कपड़ा खरीदे के अपील के अउ छूट के फायदा ले ल किहिन। साय ह किहिन के बुनकर-कलाकार बहुत मेहनत ले खादी कपड़ा तइयार करत हावयं अउ वो म तरह-तरह के कलाकृति तको उकेरत हावयं। कई मायने म ये हमन ल अपन संस्कृति ले तको जोड़े रखत हावय। ओमन किहिन के देश म खादी कपड़ा के उपयोग के लंबा परंपरा रेहे हावय। आजादी के लड़ाई के दौर म हमन ल खादी कपड़ा के उपयोग के जिक्र मिलत हावय। कारीगर बहुत मेहनत ले ये कपड़ा ल तइयार करत हावयं अउ गांधी जयंती के खास मउका म तंहू मन सबो के खातिर ये बड़का छूट के घोसना होए हावय, तंहू मन सबो येकर फायदा उठाएं।