छत्तीसगढ़ न्याय यात्रा के उद्देश्य हर नागरिक तक न्याय अउ समानता पहुंचाना हावय

छत्तीसगढ़ म प्रमुख विपक्षी दल कांग्रेस कोति ले न्याय यात्रा निकाले गे रिहिस। बलौदाबाजार ले शुरू ये यात्रा के आज रायपुर म समापन होइस। रायपुर के गांधी चौक म बड़का सभा के रूप म येकर समापन होइस, जेमा प्रदेश के सबो बड़का नेता मनके संग प्रदेश कांग्रेस प्रभारी तको जुरियाए रिहिन।

ये मउका कांग्रेस के बड़का नेता टीएस बाबा ह किहिन के छत्तीसगढ़ न्याय यात्रा के उद्देश्य हर नागरिक तक न्याय अउ समानता पहुंचाना हावय। हम अन्याय, भ्रष्टाचार, अउ अपराध के खिलाफ आवाज़ उठात रेहे हावयं। ये यात्रा सिरिफ एक आंदोलन नहीं, बल्कि एक संकल्प हावय- सुरक्षित अउ समृद्ध छत्तीसगढ़ बनाये के खातिर। कांग्रेस के संग जनता जागृत हावय अउ सड़क म हावय - अपन अधिकार खातिर, सुरक्षित परिवार खातिर!"