छत्तीेसगढ़ राज्य स्थापना दिवस के ओढ़र म होवइया राज्यु उत्सयव के जलसा के तइयारी शूरू होगे हावय। मिले आरो के मुताबिक येसो 4 नवंबर ले 6 नवंबर तक नवा रायपुर म राज्यो्त्स व 2024 मनाये जाही। ये मउका म प्रदेश के मुखिया विष्णुदेव साय ह लोगन लेे अपील करे हावय के प्रदेशवासी राज्योत्सव के मउका म अपन घर म दीप प्रज्ज्वलित करके दीपोत्सव के संग राज्योत्सव मनाएं। राज्योत्सव के मउका म नवा रायपुर, अटलनगर म 10 हजार दीप प्रज्ज्वलित करे जाही। मुख्यमंत्री ह सबो शहर अउ गांव म नागरिक ले 1 नवंबर के संझा ल अपन-अपन घर म दीप प्रज्ज्वलित करे के अपील के हावय।
कइसे पहुंचही राज्योत्सव मैदान तक-
आम जनता मनके खातिर राज्योत्सव जगह तक आने जाये बर बस के सुविधा मौजूद रइही। नया रायपुर के राज्योत्सव जगह तक आने जाये के खातिर आम जनता ल परिवहन के सुविधा रियायती दर म मौजूद कराइन जाही।
राज्योत्सव म काकर होही सांस्कृतिक कार्यक्रम-
राज्योत्सव के बखत आयोजन जगह म सबोच दिन संझा ल सांस्कृतिक कार्यक्रम आयोजित करे जाही। संस्कृति संझा म वॉलीवुड सिंगर शान, नीति मोहन, इंडियन आइडल विजेता पवनदीप अउ अरुनिदिता होही आकर्षण के केंद्र सांस्कृतिक संझा म 4 नवंबर ल बॉलीवुड सिंगर शांतनु मुखर्जी (शान) के कार्यक्रम आयोजित करे गे हावय।
5 नवंबर ल बॉलीवुड सिंगर नीति मोहन के कार्यक्रम होही। 6 नवंबर के संझा ल इंडियन आइडल विजेता पवनदीप अउ अरुनिदिता के कार्यक्रम मुख्य आकर्षण के केंद्र होही।
राज्य अलंकरण समारोह-
राज्योत्सव के आखिरी दिन 6 नवंबर ल राज्य अलंकरण समारोह के आयोजन करे जाही जेमा आने-आने क्षेत्र म उत्कृष्ट बुता करइया मनखे मन अउ संस्था मन ल राज्य अलंकरण ले सम्मानित करे जाही।
विकास प्रदर्शनी प्रमुख योजना मन ल प्रदर्शित करिन जाही-
राज्योत्सव जगह म आने-आने विभाग डहर ले प्रमुख विभागीय योजना मन म केंद्रित प्रदर्शनी लगाये जाही। निजी संस्थान अउ पीएसयू संस्थान के खातिर तको डोम बनाये जाही। कृषि अउ जल संसाधन विभाग डहर ले तको प्रदर्शनी लगाये जाही। प्रदर्शनी म विभाग के नवा योजना मन प्रमुखता ले प्रदर्शित करे जाही।
शिल्पग्राम, फूड कोर्ट, फैन पार्क होही आकर्षण के केंद्र-
राज्योत्सव आयोजन जगह म शिल्पग्राम, फूड कोर्ट तको बनाये जाही। इहां ट्राइबल फूड तको मौजूद होही। लइका के खातिर फन पार्क तको बनाये जाही जिहां आने-आने झूले होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।