मुख्यमंत्री विष्णुदेव साय ह प्रधानमंत्री नरेंद्र मोदी ले मुलाकात करके नौ महीना के बुता के जानकारी दीस

छत्‍तीसगढ़ी समाचार अनुवादक जयंत साहू

छत्तीसगढ़ के मुख्यमंत्री विष्णुदेव साय ह प्रधानमंत्री नरेंद्र मोदी ले उंकर निवास म मुलाकात करिस। ए बखत मुख्यमंत्री ह राज्य म पाछु नौ महीना के बखत विकास बुता के जानकारी दीस, जेमा कृषि, कौशल विकास अउ शिक्षा के क्षेत्र म करे गे प्रमुख पहल ल रेखांकित करे गिस। येकर संग ही ओमन राज्य म हाल ही होए सफल नक्सल ऑपरेशन के जानकारी प्रधानमंत्री ले साझा करिस। प्रधानमत्री ह ए ऑपरेशन के सफलता म सुरक्षा बल के साहस के बढ़ई करिस। मुलाकात के बखत ओमन प्रधानमंत्री घर योजना के तहत आठ लाख घर मंजूर करे जाये म नरेंद्र मोदी के आभार तको जताइस।

मुख्यमंत्री विष्णुदेव साय ह प्रधानमंत्री ल माओवाद के खिलाफ राज्य म चलत ऑपरेशन अउ विकास बुता के प्रगति म विस्ता्र ले जानकारी दीस। ओमन नारायणपुर-दंतेवाड़ा जिला के हालिया ऑपरेशन के जिक्र करत बताइन के सुरक्षा बल ह 31 नक्सली मन ल मार गिराये हावय, जेन राज्य म अब तक के सबले बड़का नक्सल ऑपरेशन हावय। मुख्यमंत्री साय ह छत्तीसगढ़ म चलत विकास बुता के ब्योरा तको प्रस्तुत करिन। ओमन बताइन राज्य सरकार सड़क, स्कूल, अस्पताल अउ आन बुनियादी सुविधा के विकास म बिसेस धियान दे हावय। रोजगार सिरजन अउ ग्रामीण विकास के खातिर तको बिसेस प्रयास करे  जात हावयं, ताकि नक्सल प्रभावित क्षेत्र के लोगन मुख्यधारा ले जुड़ सकें। प्रधानमंत्री मोदी ह ए सफलता के बड़ई करिस अउ किहिन के येकर ले न सिरिफ राज्य म शांति बहाल होत हावय, बल्कि विकास के रसता तको आसान होत हावय।