उप राष्ट्रपति जगदीप धनखड़ ल राज्योत्सव के समापन अउ राज्य अलंकरण समारोह म माई पहुना के नेवता दीस उप मुख्यमंत्री अरुण साव

छत्तीसगढ़ के उप मुख्यमंत्री अरुण साव ह अपन एक दिवसीय नवा दिल्ली प्रवास के बखत देश के उप राष्ट्रपति जगदीप धनखड़ ले भेंट करिस। ओमन राज्य शासन के तनि ले उप राष्ट्रपति ल राज्योत्सव के समापन अउ राज्य अलंकरण समारोह म मुख्य पहुना के रूप म सामिल होए के खातिर नेवता दिस। नया रायपुर, अटल नगर म आयोजित तीन दिवसीय राज्योत्सव के समापन अउ राज्य अलंकरण समारोह 6 नवम्बर के होही।

जानबा होवय के राज्य शासन डहर ले अवइया 4 नवम्बर ले 6 नवम्बर तक नया रायपुर, अटल नगर म तीन दिवसीय बड़का राज्योत्सव के आयोजन करे जात हावय। ए बखत केन्द्र अउ राज्य सरकार के योजना मन म आधारित विकास प्रदर्शनी लगाये जाही। तीनों दिन संझा सांस्कृतिक आयोजन तको होही।