छत्तीसगढ़ी समाचार अनुवादक जयंत साहू
छत्तीसगढ़ व्यावसायिक परीक्षा मण्डल रायपुर डहर ले प्रयोगशाला तकनीशियन भरती परीक्षा 6 अक्टूबर के मंझन 02 बजे ले संझा 4:15 बजे तक आयोजित करे जाही, जेमा कांकेर म कुल 05 हजार 363 परीक्षा देवइया सामिल होही। कांकेर जिला कलेक्टर निलेश महादेव क्षीरसागर ह परीक्षा के सफल संचालन के खातिर डिप्टी कलेक्टर सुश्री आस्था बोरकर ल नोडल अधिकारी अउ सहायक संचालक स्कूल शिक्षा लक्ष्मण कावड़े ल सहायक नोडल अधिकारी नियुक्त करिन हावय।
ये परीक्षा के आयोजन के खातिर जिला मुख्यालय म 20 परीक्षा केन्द्र बनाए गे हावयं, जेमे सरकारी भानुप्रतापदेव स्नातकोत्तर कॉलेज कांकेर, सरकारी इंदरू केंवट कन्या कॉलेज भीरावाही रोड अलबेलापारा कांकेर, सरकारी विष्णु प्रसाद शर्मा हायर सेकेंडरी स्कूल गोविंदपुर कांकेर, सेंट माईकल हायर सेकेंडरी स्कूल गोविंदपुर, सरकारी नरहरदेव हायर सेकेंडरी स्कूल कांकेर, सरकारी कन्या हायर सेकेण्डरी स्कूल लट्टीपारा, सरकारी महिला आईटीआई कांकेर, सरकारी जिला शिक्षा संस्थान अउ प्रशिक्षण केन्द्र डाईट कांकेर, सरकारी हायर सेकेण्डरी स्कूल सिंगारभाट, सरकारी कन्या छात्रावास हायर सेकेण्डरी स्कूल सिंगारभाट, सरस्वती शिशु मंदिर हायर सेकेण्डरी स्कूल कांकेर, सरकारी कन्या हाई स्कूल मांझापारा कांकेर, सरकारी हाई स्कूल शीतलापारा, पैराडाईज हायर सेकेण्डरी स्कूल ईमलीपारा, सरकारी हायर सेकेण्डरी स्कूल ईच्छापुर, कृषि कॉलेज अउ रिसर्च स्टेशन सिंगारभाट कांकेर, सरकारी हाई स्कूल बरदेभाठा, जुपिटर पब्लिक स्कूल माहुरबंदपारा कांकेर, सरकारी हायर सेकेण्डरी स्कूल आतुरगांव अउ जेपी इंटरनेशनल स्कूल सरंगपाल कांकेर ल परीक्षा केन्द्र बनाये गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।