राजधानी म होही 05 अउ 06 अक्टूबर ले बड़का सैन्य प्रदर्शनी समारोह, भीष्म टी-90 टैंक, बीएमपी, एल-70, जेएडयू-23, स्ट्रेला अउ लोरोस के होही प्रदर्शन

छत्‍तीसगढ़ी समाचार अनुवादक जयंत साहू

.सैन्य समारोह के खातिर आज राजधानी रायपुर पहुंचिस भारतीय सेना के भीष्म टैंक अउ आन आर्टिलरी जेकर राजधानी म शानदार स्वागत करे गिस। येकर बाद एक रैली के रूप म टैंक अउ सैन्य औजार मन के काफिला रायपुर शहर के तेलीबांधा, मरीन ड्राइव, कलेक्ट्रेट, जयस्तंभ अउ आश्रम चौक होवत साइंस कॉलेज मैदान तक मैदान पहुंचिस। शहर के नागरिक म एला लेके ख़ास उछाह रिहिन। सैकड़ों लोगन ए शानदार रैली ल मोबाइल ले कैप्चर करत दिखिस। पूरा रैली म सामिल गाड़ी म तिरंगा लहरात रिहिन।

जानबा होवय के राजधानी के साइंस कॉलेज मैदान म 05 ले 06 अक्टूबर ल होवइया बड़का सैन्य प्रदर्शनी समारोह के तइयारी जोरों म हावय। एमे सामिल होए के खातिर भारतीय सेना के सैन्य हथियार आज राजधानी पहुचगिस जेमा भीष्म टी-90 टैंक, बीएमपी, एल-70, जेएडयू-23, स्ट्रेला अउ लोरोस सामिल होइस। येकर इंदिरा गांधी कृषि विश्वविद्यालय ज़ोरा के मुख्य गेट म बिहनिया कलेक्टर डॉ. गौरव सिंह, एसएसपी संतोष सिंह, नगर निगम आयुक्त अबिनाश मिश्रा, जिला पंचायत सीईओ विश्वदीप सहित आन  अधिकारी मन स्वागत करिन। भीष्म टैंक अउ आन सैन्य औजार मन ल गाड़ी सहित फूल-मालाओं ले सजाया गे रिहिस। लोगन ह ए आकर्षण क्षण ल अपनें मोबाईल म फोटो अउ वीडियों के रूप म रिकार्ड करिन। जिहां ले भी ये काफिला गुजरिस, उहां ’भारत माता के जय’ के जयकारा ले गूंज उठिस्स।