सैन्य समारोह के खातिर राजधानी रायपुर पहुंचिस भारतीय सेना के भीष्म टैंक

छत्‍तीसगढ़ी समाचार अनुवादक जयंत साहू

मुख्यमंत्री विष्णुदेव साय के अगुवई अउ पहल म होवत बड़का सैन्य समारोह के खातिर राजधानी रायपुर पहुंचिस। भारतीय सेना के भीष्म टैंक अउ आन आर्टिलरी के शानदार स्वागत करे गिस। येकर बाद एक रैली के रूप म टैंक अउ सैन्य औजार रायपुर शहर के तेलीबांधा, मरीन ड्राइव, कलेक्ट्रेट, जयस्तंभ अउ आश्रम चौक होवत साइंस कॉलेज मैदान तक मैदान पहुंचिस। शहर के नागरिक म एला लेके ख़ासा उछाह रिहिन। सैकड़ों लोगन ए शानदार रैली ल मोबाइल ले कैप्चर करत दिखिस। जानबा होवय के सैन्य प्रदर्शनी 5-6 अक्टूबर ले  राजधानी रायपुर के साइंस कॉलेज ग्राउंड म आयोजित होही। एमे सेना के जाबांज सैनिक अपन शौर्य के प्रदर्शन करही।