एन माही फिल्म प्रोडक्शन के अवइया फिलिम म दिखही गायक दिलीप राय

छॉलीवुड म छत्तीसगढ़ी फिलिम के फैक्टरी केहे जाए वाला प्रोडक्शन कंपनी 'एन माही फिल्म प्रोडक्शन' ह सरलग छत्तीसगढ़ी भाषा अउ कला-संस्कृति के मयारू संगी मन खातिर आने-आने रूआब के फिलिस सिनेमाघर म लानतेच रिथे। एन माही फिल्म प्रोडक्शन के मशहूर फिल्म मेकर मोहित कुमार साहू कोति ले सोशल मीडिया के माध्यम ले आरो मिले हावय के उंकर अवइया प्रोजेक्ट म छत्तीसगढ़ के लोकप्रिय गायक अउ अभिनेता दिलीप राय अहम किरदार म नजर आही। 

निर्माता छत्तीसगढ़ के हर छोटे-बड़े कलाकार मनके मदद तो करबे करथे संग म ओमन नवा-नवा प्रतिभा मनला अवसर देके जबर उदीम तको करथे। मोहित कुमार साहू के स्वयं के लिखे कहानी म दिलीप राय के अभिनय के जलवा देखही। छॉलीवुड बर दिलीप राय कोनो नवा नाम नोहय ओमन के पहचान एक लोक सिंगर के रूप म होथे, ओमन के गायकी के अपन अलग अंदाज हावय। गजरा खोपा वाली, करेजा तोर बिना, ये कारी टूरी, तोर बात अलग हे, चिन्हा मांगे मुंदरी के जइसे श्रृंगारिक गीत के अलावा लोक परब के गीत बहुत लोकप्रियता पाये हावय। अब ओमन के एन माही फिल्म प्रोडक्शन के बैनर तरी अभिनय करत देखे के अगोरा हावय। 

ये मउका म निर्माता मोहित कुमार साहू किथे के- 'के मोला बहुत खुशी होवत हावय के मोर छत्तीसगढ़ के छोटे भाई मन अपन मेहनत ले अपन नाम बनाके आगू बढ़त हावय, अपन नसीब खुद लिखत हाबे, इंसान आगू अपन मेहनत अउ लगन ले बढ़थे न कि घर बइठ के सोचे ले...।

दिलीप राय के गाना:-