रायपुर नगर (दक्षिण) उपनिर्वाचन 2024 के तहत अधिसूचना जारी हो गे हावय। रायपुर नगर (दक्षिण) उप चुनाव 2024 म 13 नवंबर ल मतदान होही। रायपुर नगर (दक्षिण) उपनिर्वाचन 2024 के खातिर चुनाव के अधिसूचना जारी होए के संग ही नामांकन दाखिला के प्रक्रिया सुरू होगे हावय। जेमा पहिली दिन कोनो तको प्रत्याशी डहर ले कोनो नामांकन दाखिल नइ करे गिस।
रायपुर नगर (दक्षिण) उपनिर्वाचन 2024 के खातिर उम्मीदवार 25 अक्टूबर 2024 तक अपन नामांकन दाखिल कर सकत हावयं। सरकारी छुट्टी दिवस ल छोड़के कार्यालयीन दिवस म बिहनिया 11 बजे ले मंझनिया तीन बजे तक नामांकन दाखिल करे जा सकत हाबे। मिले नामांकन पाती के संवीक्षा 28 अक्टूबर के करे जाही। उम्मीदवार 30 अक्टूबर तक अपन नामाकंन वापस ले सकही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।