छत्तीसगढ़ी सिनेमा में अपन अलग अंदाज खातिर पहचाने जाने वाला निर्देशक प्रणव झा के एक अउ नवा धमाका बच्छर 2024 के आखिर यानी 20 दिसंबर ले होवइया हाबे। सोशल मीडिया ले मिले आरो के मुताबिक छत्तीसगढ़ी फिलिम 'टीना टप्पर' के आधिकारिक घोसना करत 20 दिसंबर 2024 के रिलीज होना बताये गे हावय। 'टीना टप्पर' म अहम किरदार म नजर आही अमलेश नागेश अउ एल्सा घोष। छॉलीवुड म प्रणव झा के फिलिम के अलग दिवानगी हावय, उंकर सबो फिलिम सिनेमाघर म सफलता पाये हाबे। इहां तक के छत्तीसगढ़ी सिनेमा म उन कतकोन कलाकार ल स्थापित तको करे हाबे।
पिंटू मोबाईल अउ मितान मूवीज के बैनर तरी बने छत्तीसगढ़ी फिलिम 'टीना टप्पर' के निर्देशन प्रणव झा करे हाबे अउ निर्माता हे रोशन विरवानी, अजय सिंह। विष्णु कोठारी के गीत ल मधुुर संगीत ले सजाये हाबे श्याम हजारा, युवा गढ़पायले, प्रणव झा ह। अभी सिनेमाघर म प्रदर्शन के आरो के संग धीरे;धीरे गाना उक के आनंद ले बर अगोरा करत राहव।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।