दिल्ली म रिहिके संघ लोक सेवा आयोग (यूपीएससी) के सिविल सेवा परीक्षा के तइयारी करे के इच्छुक छत्तीसगढ़ के युवा मनके खातिर खुशखबरी हावय। मुख्यमंत्री विष्णुदेव साय के निर्देश म वित्त विभाग ह युवा उत्थान योजना के तहत ट्राइबल यूथ हॉस्टल म 135 सीटें बढ़ाये के प्रस्ताव ल मंजूरी दे हावय।
युवा उत्थान योजना
युवा उत्थान योजना के तहत छत्तीसगढ़ राज्य के अनुसूचित जाति, अनुसूचित जनजाति अउ अन्य पिछड़ा वर्ग के प्रतिभाशाली युवा मन ल दिल्ली म रिहिके फोकट म यूपीएससी कोचिंग के सुविधा दीस जात हावय। युवा मन के रहना, खाना अउ पढ़ाई के खरचा तको सरकार उठात हावय। पहिली ट्राइबल यूथ हॉस्टल म 50 नवा अउ 15 रिपीटर बैच ल ये सुविधा मिलत रिहिस। अब ए योजना म 135 सीट के बड़वार के बाद कुल 200 युवा मन ल आवासीय सुविधा मिलही।
ट्रायबल यूथ हॉस्टल के अलावा आवेदन करइया अपन इच्छानुसार कोचिंग संस्था मन के निकट आवासीय बेवस्था तको कर सकही। कोचिंग शुल्क के तहत अंग्रेजी माध्यम के खातिर 2 लाख रूपिया अउ हिन्दी माध्यम के खातिर 1.5 लाख रूपिया करार हावय। येकर संग ही, आवास, मेस अउ आन सुविधा के खातिर प्रति पढ़ईया हरेक महीना 12 हजार रूपिया के मदद दे जाही।
वर्तमान म ट्रायबल यूथ हॉस्टल म अधिकतम 65 आवेदन करइया के खातिर आवासीय सुविधा मौजूद रिहिस। अब ए पहल के संग छत्तीसगढ़ के युवा सिविल सेवा परीक्षा के तइयारी म जादा समर्थ बन सकही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।