एन माही फिल्म प्रोडक्शन के बैनर तरी बने छत्तीसगढ़ी अउ हिन्दी फिलिम 'जानकी' के प्रदर्शन के आधिकारिक घोसना हो चुके हावय, मिले आरो के मुताबिक 7 फरवरी 2025 के तिथि बताये गे हवय। संग म यहू आरो मिले हावय के छत्तीसगढ़ी पृष्ठभूमि म बने फिलिम 'जानकी' ह भारत के संग ही नेपाल म तको प्रदर्शित होही। 'जानकी' छत्तीसगढ़ी सिनेमा के पहिली फिलिम होही जेन अंतरराष्ट्रीय पटल म दिखही।
जानकी के कहानी लिखे हावय मोहित कुमार साहू अउ निर्देशन करे हाबे कौशल उपाध्याय। फिलिम म एक बार फेर छॉलीवुड के शानदार जोड़ी दिलेश साहू अउ अनिकृति चौहान अहम किरदार म नजर आही। प्रोडक्शन टीम कोति ले सोशल मीडिया म आधिकारिक घोसना करत यहू बात बिसेस रूप ले बताये गे हावय के हिन्दी अउ छत्तीसगढ़ी म हाबे जानकी (भाग-1) ह जेना पूरा भारत म प्रदर्शित करे जाही। येकर संग ही नेपाल म प्रदर्शन के आरो मिलत हाबे, ये मुताबिक केहे जावथे के छत्तीसगढ़ी पृष्ठभूमि के पहिली फिलिम होही 'जानकी' जेन अंतरराष्ट्रीय पटल म दिखही।
जानकी ह हिन्दी अउ छत्तीसगढ़ी दूनों भाषा म हावय तेन पायके स्थानीय कलाकार मनके अलावा बॉलीवुड के कलाकार मनके तको छाप देखे बर मिलही। बताये जाथे के येमा बॉलीवुड के मशहूर गायक कैलाश खेर, शान, जावेद अली अउ देव नेगी ले गीत सुने बर मिलही। आवाज डबिंग म बॉलीवुड, हॉलीवुड अउ टॉलीवुड प्रसिद्ध डबिंग कलाकार संकेत म्हात्रे, पायल विशाल के शानदार काम देखे-सुने बर मिलही। बहरहाल अभी तो फिलिम के मोशन पोस्टर के फस्ट लूक लांच होही, आगू गाना अउ टीजर भी अवइया हाबे। अगोरा करत, तरीख ल सुरता राखहू 7 फरवरी 2025 के, जब पूरा देश के सिनेमाघर म 'जानकी' रिलीज होही।
- Producer, story & action design - Mohit Kumar Sahu
- Co producer - Gajendra dewangan (shri Ganesh traders), Aashish kumar goyal, Ravi mahavar
- Screenplay & Director - Kushal upadhyay
- Cinematography & project head - Rajat singh rajput
- Editor - Gaurang Trivedi
- Music - Toshan kumar, Monika verma
- Lyrics - Monika Verma
- Voice dubbing - Sanket Mhatre, Payal Vishal (Famous voice dubbing artist in bollywood, Hollywood & tollywood)
- Singar - (Bollywood Singar Kailash Khair, Shan, Javed Ali, Dev Negi, Nakkas aziz)
- Bgm - manohar yadav
- VFX - Praveer Das, Ratibhan Sing
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।