नवरात्रि परब के बधाई अउ सुभकामना

देवी उपासना के परब नवरात्रि के बधाई अउ सुभकामना दीस हावय मुख्यमंत्री विष्णु देव साय ह प्रदेसवासी ल। ए मउका म ओमन देवी दुर्गा ले सबके जिनगी म सुख, समृद्धि अउ खुसयाली के प्रार्थना करे हावय। नवरात्रि के पहिली संझा म जारी अपन बधाई संदेश म साय ह किहिन हावय के नवरात्रि म शक्ति स्वरूपा देवी दुर्गा के नौ आने-आने रूपों के 9 दिन तक पूरा श्रद्धा अउ भक्ति-भाव के संग पूजा करे जात हावय। नोनी मन ल देवी स्वरुप मानके ओला भोजन कराये जाथे।

मुख्यमंत्री ह किहिन के नवरात्रि देवी के आराधना के संग नारी शक्ति के सम्मान के परब हावय। छत्तीसगढ़ सरकार महिला सुरक्षा, उंकर मान-सम्मान के रक्षा अउ ओला जरूरी सेवा दे करे बर प्रतिबद्ध हावय। ओमन किहिन के महिला मन के प्रति मान-सम्मान के भाव अउ उंकर गौरव ल बनाए रखे के संग उंकर विरूद्ध हिंसा के विरोध के संकल्प ले ही सच्चा अर्थ म देवी पूजा सार्थक होही।