भारत सरकार के शिक्षा मंत्रालय के उच्च शिक्षा विभाग डहर ले प्रधानमंत्री उच्चतर शिक्षा प्रोत्साहन योजना के तहत केन्द्रीय क्षेत्रीय छात्रवृत्ति योजना के खातिर सत्र 2024-25 के आवेदन सुरू कर दे हावयं। ए योजना के तहत कॉलेज अउ विश्वविद्यालय के पढ़ईया मन के खातिर राष्ट्रीय ई-छात्रवृत्ति पोर्टल https://scholarships.gov.in म ऑनलाइन आवेदन करे जा सकत हाबे। साल 2019 ले 2023 तक के पढ़ईया मन के नवीनीकरण के संग-संग साल 2024 के खातिर नवा आवेदन 31 अक्टूबर 2024 तक स्वीकर करे जाही। छात्रवृत्ति अउ आवेदन प्रक्रिया ले संबंधित सबो जानकारी मंडल के वेबसाइट www.cgbse.nic.in म मौजूद हावय। जादा जानकारी के खातिर एनएसपी के हेल्पलाइन नंबर 0120-6619540 म संपर्क कर सकत हावयं।
नवीनीकरण आवेदन करइया बर संशोधित दिशा-निर्देश जारी करे गे हावय, जारी निर्देश के मुताबिक जेन पढ़ईया पिछली बार आवेदन नइ कर पाए रिहिस, ओला अब नवीनीकरण के खातिर आवेदन करे के मंजूरी दे जाही, यदि वो पात्रता के शर्त पूरा करत हावयं। उंकर ओटीआर आईडी एनआईसी-एनएसपी डहर ले पंजीकृत मोबाइल नंबर म भेजे जाही, अउ सत्यापन के बाद वो सत्र 2024-25 के खातिर छात्रवृत्ति मिले सकही। शिक्षा मंत्रालय ह सबो शैक्षणिक संस्थान ल निर्देश दे हावय के वो अपन पढ़ईया मन के समय-सीमा म आवेदन पूरा कराए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।