छत्तीसगढ़ी सिनेमा के एक्शन स्टार दिलेश साहू के जनमदिन के मउका म यानी 28 नवंबर के एन माही फिल्मस प्रोडक्शन के एक अउ बहुप्रतिक्षित छत्तीसगढ़ी फिलिम गुईयां 2 के फस्ट लूक लांच करे गिस।
निर्माता मोहित साहू अउ ललित मिश्रा के कहानी म फेर एक पइत अपन शानदार निर्देशन के जौहार देखावत हाबे अमलेश नागेश, रजत सिंह राजपूत। गुईंया के अपार सफलता के बाद गुईयां 2 फिल्मांकन के संग आन पूरा अब उरकती आगे हावय। जेकर आगाज के रूप म फस्ट लूक लांच होगे। जेमा आप देखे होहू के ए पइत दिलेश साहू अउ अमलेश नागेश के किरदार हटके हावय। सिनेमाघर म बॉलीवुड अउ साउथ के टक्कर के, छॉलीवुड मूवी के अलगेच टसन दिखित हावय।
तूमन ल का लगिस... कहानी खतम होगे, कहानी अब तो... के दमदार संवाद के संग दिलेश साहू के संग अनिकृति के तको जबरदस्त लूक दिखत हाबे। अमलेश नागेश के संग दीक्षा अपन उही मनमोहक अंदाज म हावय। येकरे संग 2 मई 2025 के रिलीज के आरो तको करा दे हावय।
- Story - Mohit kumar sahu & Lalit mishra
- Action design & Producer - Mohit kumar sahu
- Director - Amlesh nagesh and Rajat Singh rajput
- Dop & project head - Rajat Singh rajput
- Music - Monika - toshan & Omi stylo
- Editor - Gaurang Trivedi
- Bgm - Manohar yadav
- Actors - Amlesh nagesh, Dilesh sahu, Anikriti Chauhan, Diksha jaysawal
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।