मुख्यमंत्री के अध्यक्षता म कैबिनेट के बइठका : प्रदेश म एक नवा मंत्री अउ आन निगम / मंडल के नियुक्ति बर गोठबात हो सकत हे

मुख्यमंत्री विष्णु देव साय के अध्यक्षता म मंगलवार 26 नवंबर के मंझनिया 12 बजे ले राज्य मंत्रिपरिषद (कैबिनेट) के बइठक मंत्रालय, महानदी भवन, नवा रायपुर, अटल नगर म आयोजित करे गे हावय। जेमा राज्‍य के सबो विभाग के मंत्री मन जुरियाही। ये बइठका कई मायने म खास हावय, हो सकत हाबे अब नवा मंत्री के नाम के घोसना तको हो सकत हाबे। काबर के प्रदेश के दू राज्‍य म विधानसभा चुनई उनके के बाद ये पहिली बइठका हावय। इहां के रायपुर दक्षिण ले विधायक अउ प्रदेश के बड़का नेता बृजमोहन अग्रवाल के सांसद बने के बाद खाली सीट म पूर्व सांसद सुनील सोनी जीत के आ चुके हावय। अब एक अउ विधायक ल मंत्री बनाये आरो मिलत हाबे। तव 26 नवंबर के येकर फइसला तको सकत हावय।