छत्तीसगढ़ म होही एकलव्य आदर्श आवासीय विद्यालय के चौथाा राष्ट्रीय खेल प्रतियोगिता

नई दिल्ली जनजाति कार्य मंत्रालय के राष्ट्रीय आदिवासी छात्र शिक्षा समिति (NESTS) डहर ले छत्तीसगढ़ राज्य म एकलव्य आदर्श आवासीय स्कूल मन के चतुर्थ राष्ट्रीय खेल प्रतियोगिता 2024-25 के आयोजन करे जात हावय।

ए आयोजन के सफल संचालन बर क्रियान्वयन एजेंसी के चयन के प्रक्रिया सुरू कर दे गे हावय। येकर खातिर भारतीय खेल प्राधिकरण (SAI) अउ छत्तीसगढ़ स्टेट इंडस्ट्रियल डेवलपमेंट कॉरपोरेशन के इम्पेनल्ड एजेंसी मन ले रुचि के अभिव्यक्ति नेवताए हावय।

 प्री-बिड के बइठक  27 नवंबर 2024 अउ प्रेजेंटेशन 29 नवंबर 2024 ल  मंझनिया 12 बजे होही। 02 दिसंबर 2024 ल मंझनिया 3 बजे तक दस्तावेज़ जमा कर सकही अउ 02 दिसंबर 2024 ल संझा 5 बजे वित्तीय निविदा खोले जाही।