गुरू घासीदास लोक कला महोत्सव साल 2024-25 आयोजन के खातिर अवइया 27 नवम्बर तक प्रविष्टी मंगाये गे हावयं। सहायक आयुक्त, आदिवासी विकास विभाग ह बताइन के जिला स्तर के कार्यक्रम म भाग ले बर इच्छुक जिला स्तर के पंथी नृत्य दल/समूह ल प्रस्तुत प्रविष्टी के संग ही अनुसूचित जाति लोक कला दल के पूरा विवरण, अनुसूचित जाति वर्ग म अपन पारम्परिक कला के माध्यम ले चेतना जागृत करे अउ सामाजिक उत्थान के खातिर यदि बुता करे गे हावयं, त येकर विवरण प्रस्तुत करे होही। येकर संग ही यदि कोनो आन पुरस्कार मिले हो, त उंकर जानकारी, प्रविष्टिकर्ता के उत्कृष्ट बुता के विषय म कोनो लेख प्रकाशित होइस हो, त उंकर विवरण के प्रति, सामाजिक चेतना जागृत करे अउ सामाजिक उत्थान के क्षेत्र म अपन बुता के संबंध म कोनो प्रख्यात मनखे या पत्र-पत्रिका डहर ले टिप्पणी करे गे हो, त उंकर प्रति, आन जानकारी जेन प्रविष्टिकर्ता देना चाहे, संलग्न करे अउ प्रविष्टि म टीम के नाम, सामिल होए वाला सदस्य मन के संख्या, अध्यक्ष अउ सचिव के मोबाईल नंबर होना अनिवार्य हावय। जिला स्तरीय कार्यक्रम म भाग ले के खातिर इच्छुक जिला स्तर के पंथी नृत्य दल/समूह 27 नवम्बर के संझा 5 बजे तक कलेक्टोरेट के कक्ष क्रमांक 85 म आदिवासी विकास विभाग म मौजूद होके प्रविष्टि प्रस्तुत कर सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।